බංග්ලාදේශ කාන්තා කණ්ඩායම සමඟ පැවති විස්සයි විස්ස ක්රිකට් තරගාවලියේ අවසන් තරගයත් ලකුණු 03කින් ජයගැනීමට ශ්රී ලංකා කාන්තා කණ්ඩායම සමත් වුණා.
ඒ අද (02) බංග්ලාදේශයේ ශිල්හේට් ක්රීඩාංගනයේ දී යි.
වර්ෂාව හේතුවෙන් තරගය නියමිත වෙලාවට ආරම්භ කිරීමටය නොහැකි වූ නිසා තරගයේ එක ඉනිමක් පන්දුවාර 09කට සීමා වුණා.
පළමුවෙන් පන්දුවට පහර දුන් ශ්රී ලංකා කණ්ඩායම නියමිත පන්දුවාර 09 තුළ කඩුලු 06ක් දැවී ලකුණු 87ක් රැස්කර ගනු ලැබුවා.
ඒ අනුව ලකුණු 88ක ඉලක්කයක් වෙනුවෙන් පිටියට පිවිසි බංග්ලාදේශ කාන්තා කණ්ඩායමට නියමිත පන්දුවාර 09 තුළ රැස්කර ගැනීමට හැකි වූයේ ලකුණු 84ක් පමණයි.
ඒ කඩුලු 06ක් දැවී යාමෙන් පසුවයි.
ඒ අනුව මෙම තරගයේ ලබා ගත් ජයත් සමඟ ශ්රී ලංකා කාන්තා කණ්ඩායම පෙර පැවති පළමු සහ දෙවන විස්සයි විස්ස තරග ද ජයගෙන තිබූ නිසා තරගාවලිය 3 -0ක් ලෙස ජයගැනීමට සමත් වුණා.
ඔබේ ප්රතිචාරය කුමක්ද ?
+1
2
+1
+1
+1
+1
+1
+1
1
