සැක කටයුතු ලෙස මියගොඅස් සිටිය දී හමුවූ වැඩතහනමට ලක්ව සිටින මහා භාණ්ඩාගාරයේ විදේශ සම්පත් දෙපාර්තමේන්තුවේ සහකාර අධ්යක්ෂ රංග රාජපක්ෂගේ දේහය සම්බන්ධ පශ්චාත් මරණ පරීක්ෂණය අද (01) දිනයේ සිදු කිරීමට නියමිතව තිබෙනවා.
එම දේහය සම්බන්ධයෙන් වන පශ්චාත් මරණ පරීක්ෂණය සඳහා විශේෂ කම්ටුවක් පත් කිරීමට කටයුතු කර තිබෙනවා.
කුලියාපිටිය මහේස්ත්රාත්වරිය විසින් මෙම විශේෂ කම්ටුවක් පත්කර ඇති බවයි වැඩබලන පොලිස් මාධ්ය ප්රකාශක පොලිස් අධිකාරී මිනුර සෙනරත් පැවසුවේ.
මුදල් අමාත්යාංශය සතු ඇමරිකානු ඩොලර් මිලියන 2.5ක් අස්ථානගත වූ සිද්ධිය සම්බන්ධයෙන් වැඩතහනමට ලක්ව සිටි මහ භාණ්ඩාගාරයේ විදේශ සම්පත් දෙපාර්තමේන්තුවේ සහකාර අධ්යක්ෂ රංග රාජපක්ෂ සිය ගෙවත්තේ දී සැකකටයුතු ලෙස මියගොස් සිටිය දී ඊයේ (30) සොයා ගැනුණා.
මොහු ගෙවත්තේ වැටී සිටි අයුරු දුටු ඔහුගේ දියණිය, ඒ පිළිබඳව මවට දැනුම්දීමෙන් අනතුරුව ඇය විසින් පොලිසිය දැනුම්වත් කර ඇති බවයි තොරතු වාර්තා වුණේ.
ඒ, අනුව කුලියාපිටිය, පහළ වීරඹේ ප්රදේශයේ පිහිටි ඔහුගේ නිවසට ගිය පොලිසිය, එහිදී සිදුකළ පරීක්ෂාකිරීමේ දී ගෙවත්තේ කෙසෙල් පඳුරක් අසල තරමක විශාල ලේ පැල්ලමක් තිබෙන අයුරු නිරීක්ෂණය කර තිබෙනවා.
එමෙන්ම ඔහුගේ පාදයක සහ අතක කැපුම් තුවාල තුනක් දක්නට ලැබෙන බව පොලීසිය සඳහන් කළා.
ඔහු වැටී සිටි ස්ථානය ආසන්නයේ තිබී කුඩා ප්රමාණයේ පිහියක්ද හමුව ඇති අතර, මෙය ඝාතනයක්ද නැතහොත් සියදිවි නසාගැනීමක්ද යන්න පිළිබඳව විමර්ශන ක්රියාත්මක බවයි පොලිසිය වැඩිදුරටත් සඳහන් කළේ.
