මුහුදුබඩ මාර්ගයේ දුම්රිය ධාවනය අද දිනය තුළ යථා තත්ත්වයට – දුම්රිය ස්ථානාධිපතිවරුන්ගේ සංගමය

බෙලිඅත්තේ සිට මරදාන බලා ධාවනය වෙමින් තිබූ සාගරිකා දුම්රිය අද (24) උදෑසන පීලි පැනීමට ලක් වුණා.

දුම්රිය පීලි පැනීමට හේතුවෙන් අද දිවා කාලයේ දී මුහුදුබඩ මාර්ගයේ ගැටලුකාරී තත්ත්වයක් ඇතිවිය හැකි බව දුම්රිය ස්ථානාධිපතිවරුන්ගේ සංගමයේ සභාපති සුමේද සෝමරත්න පවසනවා.

සභාපතිවරයා පවසන්නේ මේ වන විට අවහිර වී ඇති මුහුදුබඩ මාර්ගයේ දුම්රිය ධාවනය අද (24) දිනය තුළ යථා තත්ත්වයට පත්කර ගැනීමට හැකිවනු ඇති බවයි.

වාද්දූව දුම්රිය ස්ථානය ආසන්නයේ දී දුම්රිය පිලී පැනීමට ලක්වූ අතර, මේ හේතවෙන් දුම්රිය මාර්ගයට දැඩි හානි සිදුව තිබෙනවා.

මේ හේතුවෙන් මුහුදුබඩ මාර්ගයේ දුම්රිය ධාවනය කොළඹ කොටුවේ සිට පානදුර දුම්රිය ස්ථානය දක්වා සහ බෙලිඅත්තේ සිට දකුණු කළුතර දක්වා සීමාකර තිබෙනවා.