එළඹෙන වෙසක් උත්සවය වෙනුවෙන් දිවයින පුරා සංවිධානය කරනු ලබන දන්සැල් ලියාපදිංචි කිරීම මේ වනවිට ආරම්භ කර ඇති බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමය පවසනවා.
එම සංගමයේ සභාපති සභාපති කේ.පී බොරලැස්ස සඳහන් කළේ දිවයින පුරා පිහිටි මහජන සෞඛ්‍ය පරීක්ෂක කාර්යාලවල දී මෙම ලියාපදිංචි කිරීම් සිදුකරන බවයි.
ඒ, අනුව සභාපතිවරයා සියලුම දන්සැල සංවිධායකයින්ට දැනුම් දෙන්නේ ඔබ සංවිධානය කරනු ලබන දන්සැල ලියාපදිංචි කිරීමට කටයුතු කරන ලෙසයි.
මේ අතර මහජන සෞඛ්‍ය පරීක්ෂකවරුන් විසින් ඉදිරියේ දී දන්සැල් සංවිධායකයින්ව දැනුම්වත් කිරීමට ද කටයුතු කරන බවයි සභාපතිවරයා වැඩිදුරටත් සඳහන් කළේ.
එහිදී දන්සැල සෞඛ්‍ය ආරක්ෂිතව පවත්වන ආකාරය සම්බන්ධයෙන් එම සංවිධායකයින්ව මහජන සෞඛ්‍ය පරීක්ෂකවරුන් විසින් දැනුම්වත් කරන බවයි ඔහු සඳහන් කර සිටියේ.
මේ අතර සකසන ආහාර, ආහාර පිසීමේ සිට දන්සැල පැමිණෙන පුද්ගලයන්ට ලබාදෙන අතර කාලය උපරිම පැය 04ක කාලයක් තුළ ලබාදීමට කටයුතු කරන ලෙසට සභාපතිවරයා දන්සැල සංවිධායකයින්ට දැනුම් දෙනවා.
