අවුරුදු සමයේ සිය ගම්බිම් කරා පිටත්ව යන ජනතාව වෙනුවෙන් කොළඹ සහ ඒ අවට ප්රධාන නගරවල සිට ක්රියාත්මක වන පරිදි පෙරේදා (08) දිනයේ දී ආරම්භ කළ විශේෂ ප්රවාහන සේවය මේ වන විට ක්රියාත්මක වෙමින් පවතින බව ජාතික ගමනාගමන කොමිෂන් සභාවේ අධ්යක්ශ ජනරාල්, නිලාන් මිරැන්ඩා පවසනවා.
ඒ අනුව බැස්ටියන් මාවත බස් පර්යන්තය, මාකුඹුර බස් පර්යන්තය මෙන්ම කඩුවෙල සහ කඩවත බස් පර්යන්තයන් වෙත මේ වන විට මගී ජනතාවගේ ගම්බිම් කරා පිටත්ව යාමට පැමිණෙමින් සිටින බවයි ඔහු පෙන්වා දෙන්නේ.
මේ අතර වැඩි මගීන් පිරිසක් නුවර ප්රදේශය දක්වා ගමන් ගැනීමට පැමිණෙන අයවළුන් බවයි අධ්යක්ශ ජනරාල්වරයා සඳහන් කළේ.
ඒ අනුව එම මගීන් වෙනුවෙන් අධිවේගී මාර්ගය හරහා කොළඹ සිට නුවර දක්වා විශේෂිත බස් රථ සංචිතයක් හඳුන්වා දී ඇති බවත්, රුපියල් 1000ක ගමන් ගාස්තුවක් ඒ සඳහා අයකර ගන්නා බවත් ජාතික ගමනාගමන කොමිෂන් සභාවේ අධ්යක්ශ ජනරාල්, නිලාන් මිරැන්ඩා පවසා සිටියා.
මෙම බස් රථ සේවා සහ කාලසටහන් සම්බන්ධයෙන් තොරතුරු ලබා ගැනීම සඳහා ජාතික ගමනාගමන කොමිෂන් සභාවේ 1955 ක්ෂණික දුරකතන අංකය අමතන ලෙසයි ඔහු වැඩිදුරටත් දැනුම්දුන්නේ.
