බස්නාහිර, සබරගමුව, වයඹ පළාත්වලත් ගාල්ල, මාතර, මහනුවර, නුවරඑළිය සහ මන්නාරම දිස්ත්රික්කවලත් අද (09) පස්වරු 2.00 න් පසුව ස්ථාන ස්වල්පයක වැසි හෝ ගිගුරුම් සහිත වැසි ඇති විය හැකි බව කාලගුණ ඉවෙදනයේ සඳහන් වනවා.
දිවයිනේ සෙසු ප්රදේශවල ප්රධාන වශයෙන් වියලි කාලගුණික තත්ත්වයක් පවතින බවයි එහි සඳහන් වන්නේ.
මධ්යම, සබරගමුව සහ ඌව පළාත්වලත් අම්පාර දිස්ත්රික්කයේත් ඇතැම් ස්ථානවල අළුයම් කාලයේදී මීදුම් සහිත තත්ත්වයක් පැවතිය හැකි බවත් කාලගුණ විද්යා දෙපාර්තමේන්තුව පවසනවා.
ගිගුරුම් සහිත වැසි සමග ඇති විය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙස එම දෙපාර්තමේන්තුව ජනතාවගෙන් ඉල්ලා සිටිනවා.
මේ අතර දෘශ්ය ලෙස සූර්යයා උතුරට ගමන් කිරීමේදී සුර්යයා, මේ මස 05 වැනිදා සිට 15 වැනිදා දක්වා දිනවලදී ශ්රී ලංකාව ආශ්රිතඅක්ෂාංශ වලට සෘජුවම ඉහලින් පවතින අතර අද (09) දින දහවල් 12:12 ට හලාවත, බිංගිරිය, හල්මිල්ලවැව, පඬුවස් නුවර, ගොකරැල්ල, කවුඩු පැලැල්ල, කොප්පවේලි, සහ කිරන්කුලම් යන ප්රදේශ වලට හිරු මුදුන් වන බව කාලගුණ නිවේදනයේ සඳහන් වනවා.
