එක්සත් ජාතීන්ගේ අධ්යාපනික, විද්යාත්මක හා සංස්කෘතික සංවිධානය (UNESCO) විසින් ලෝක උරුමයක් ලෙස ප්රකාශයට පත් කර ඇති ගාල්ල කොටුව නැරඹීම සඳහා සහ තම විවේකී කාලය එහි ගත කිරීම සඳහා වසරකට ලක්ෂ 03කට අධික දෙස් විදෙස් සංචාරකයින් පිරිසක් එම ස්ථානය වෙත පැමිණෙනවා.
කෙසේ වෙතත්, පරිපාලන, ආයතනික කටයුතු සඳහා යොදා ගැනෙන ගොඩනැගිලි බහුලව පවතින ගාල්ල කොටුවේ ඇතැම් මාර්ගයන් දිවා කාලයෙහිදී රථවාහන තදබදයෙන් යුක්තවීම සහ රාත්රී කාලයේදී හුදෙකලා බවට පත් වීම හේතුවෙන් සංචාරකයන්ට එම ප්රදේශය භාවිත කිරීමේදී විවිධ බාධාවන්ට මුහුණ පෑමට සිදුව තිබෙනවා.
මහ ගාල්ල සංවර්ධන සැලැස්ම (2021-2030) යටතේ ගාලු කොටුව ලෝක උරුම සංචාරක කලාපයක් ලෙස ප්රකාශයට පත් කර ඇති අතර, ගාල්ල කොටුවේ පවතින පුරාවිද්යාත්මක වටිනාකමක් සහිත ගොඩනැගිලි සංරක්ෂණය කරමින් සංචාරක භාවිතයට යොදා ගැනීම සඳහා නාගරික සංවර්ධන අධිකාරිය විසින් ‘ ගාල්ල පුර්නජිවන ව්යාපෘතිය’ ලෙස ඒකාබද්ධ සංවර්ධන ව්යාපෘති වැඩසටහනක් සැලසුම් කර තිබෙනවා.
එම වැඩසටහන යටතේ ගාල්ල, බෙලිගහ ප්රදේශයේ ඉදිකර ඇති නව අධිකරණ සංකීර්ණය තුළ දැනට ගාලු කොටුවේ පවත්වා ගෙන යනු ලබන මහාධිකරණය සහ මහේස්ත්රාත් අධිකරණය ස්ථාපිත කර, එම ගොඩනැගිලි රාජ්ය – පෞද්ගලික හවුල්කාරිත්ව ක්රම වේදය යටතේ සංචාරක ප්රවර්ධන ව්යාපෘතියක් ක්රියාත්මක කිරීම පිණිස නාගරික සංවර්ධන අධිකාරිය වෙත පවරා දීම සඳහා ප්රවාහන, මහා මාර්ග සහ නාගරික සංවර්ධන අමාත්යවරයා විසින් ඉදිරිපත් කළ යෝජනාව අමාත්ය මණ්ඩලය විසින් අනුමත කර ඇති බව කැබිනට් තීරණ දැනුම්දීමේ මාධ්ය හමුවේදී අමාත්ය විජිත හේරත් සඳහන් කළා.
