ගැටලු කිහිපයක් මුල් කර ගනිමින් දිවයිනේ සියලුම ඉන්ධන පිරවුම්හල්හිමියන් හෙට (06) පෙරවරුවේ සිට ඛනිජ තෙල් නීතිගත සංස්ථාව ඉදිරිපිට නිහඬ විරෝධතාවයක් පවත්වන බව ඛනිජ තෙල් බෙදුම්කරුවන්ගේ සංගමය පවසනවා.
අද (05) පෙරවරුවේ මාධ්ය හමුවක් පවත්වමින් ඛනිජ තෙල් බෙදුම්කරුවන්ගේ සංගමයේ විධායක කමිටු සාමාජික ඩී.වී. ශාන්ත සිල්වා මේ බව සඳහන් කළා.
ඉන්ධන බෙදාදීමේ දී අනුගමනය කරන ඔත්තේ, ඉරට්ටේ ක්රමවේදය තුළ පිරවුම්හල් සේවකයින්ට ගැටළුවලට මුහුණදීමට සිදුව ඇති බවත්, මෙම විරෝධතාවයට ප්රධානතම හේතුව එය බවයි විධායක කමිටු සාමාජික ඩී.වී. ශාන්ත සිල්වා වැඩිදුරටත් පැවසුවේ.
ඇණවුම් කරන ලද ඩීසල් සහ පෙට්රල් නියමිත අයුරින් ලබානොදීම තුළ ඉන්ධන පිරවුම්හල් පවත්වාගෙන යාමේදී දැඩි අසීරුතාවයකට පත්ව ඇති බවත් ඔහු සඳහන් කළා.
එමෙන්ම ඉන්ධන මිල සූත්රය අනුව ඛනිජ තෙල් නීතිගත සංස්ථාව හා අනෙකුත් සංස්ථා මෙහෙයුම් ලාභය ලෙස 6%ක් ලබාගන්නා බවත්, ඉන්ධන පිරවුම්හල් වෙත 3%ක ලභාංශයක් ලබාදීමට කටයුතු කළත්, එම ලාභාංශය ඛනිජ තෙල් නීතිගත සංස්ථාවේ නව පාලන අධිකාරිය විසින් කප්පාදුකර ඇති බවයි ඔහු පැවසුවේ.
