ලෝකේ වටේ ගිය ජර්මානුවෙක්ට පාකිස්තානයේදී අකරතැබ්බයක්

ලොව වටා බයිසිකල් පැදීමට පිටත් වූ ජර්මානු පුරවැසියෙකුට දින කිහිපයකට පෙර ඉස්ලාමාබාද් වෙත ළඟා වන විට ඔහුගේ බයිසිකලය අහිමි වී තිබෙනවා.

වාර්තා වන අන්දමට, පාකිස්තානයේ සංචාරයක නිරත වූ ජර්මානු පුරවැසියෙකු වන පිලිප් සෑම්, රාත්‍රිය ගත කිරීම සඳහා ඛන්නා පොලිස් ස්ථාන සීමාව තුළ ඉස්ලාමාබාද් අධිවේගී මාර්ගයේ කඳවුරක් ස්ථාපිත කරගෙන තිබෙනවා .

ඔහු උදෑසන අවදි වූ විට, ඔහුගේ බයිසිකලය සහ මිල අධික කැමරාවක් අතුරුදහන් වී තිබුණා.

ජර්මානු තානාපති කාර්යාලය මැදිහත් වූ අතර ඉන් පසුව, ඉස්ලාමාබාද් පොලිසිය සිද්ධිය පිළිබඳව විමර්ශනය කිරීමට පටන් ගත්තා .

බයිසිකලය සොයා ගෙන වැරදිකරුවන් අත්අඩංගුවට ගැනීමට පොලිසියට හැකිවී තිබෙනවා.