බස්නාහිර, සබරගමුව, මධ්යම, දකුණ, ඌව සහ නැගෙනහිර පළාත්වලත් පොලොන්නරුව දිස්ත්රික්කයේත් හෙට (05) පස්වරු 2.00 න් පසු තැනින් තැන වැසි හෝ ගිගුරුම් සහිත වැසි ඇති විය හැකි බව කාලගුණ විද්යා දෙපාර්තමේන්තුව පවසනවා.
එමෙන්ම මධ්යම, සබරගමුව සහ ඌව පළාත්වල ඇතැම් ස්ථානවලට හෙට දිනයේ දී මිලි මීටර් 50 ට වැඩි තරමක් තද වැසි ඇති විය හැකි බවයි කාලගුණ නිවේදනයේ සඳහන් වන්නේ.
බස්නාහිර, මධ්යම, සබරගමුව, ඌව, උතුරු – මැද පළාත්වලත් යාපනය සහ කුරුණෑගල දිස්ත්රික්කවලත් ඇතැම් ස්ථානවල අළුයම් කාලයේදී මීදුම් සහිත තත්ත්වයක් පැවතිය හැකි බවත් එම නිවේදනය මඟින් පෙන්වා දී තිබෙනවා.
ගිගුරුම් සහිත වැසි සමග ඇති විය හැකි තාවකාලික තද සුළංවලින් සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙසත් කාලගුණ විද්යා දෙපාර්තමේන්තුව දැනුම් දී තිබෙනවා.
එමෙන්ම දෘශ්ය ලෙස සූර්යයා උතුරට ගමන් කිරීමේදී සූර්යයා, හෙට (05) දිනයේ සිට ලබන 15 දක්වා දිනවලදී ශ්රී ලංකාව ආශ්රිත අක්ෂාංශවලට සෘජුවම ඉහලින් පවතින බවද කාලගුණ විද්යා දෙපර්තේන්තුව විසින් අද (04) පස්වරු 02ට නිකුත් කළ නිවේදනයේ සඳහන් වනවා.
ඒ අනුව හෙට (05) දිනයේ දී දහවල් 12:13 ට දොඩන්දුව, රත්ගම, යක්කලමුල්ල, අකුරැස්ස, මුල්ගිරිගල, රන්න, කලමැටිය සහ උස්සන්ගොඩ යන ප්රදේශවලට හිරු මුදුන් වන බවයි කාලගුණ විද්යා දෙපාර්තමේන්තුව පෙන්වා දී ඇත්තේ.
