මැදපෙරදිග කලාපයේ සිටින ඇමරිකානු සහ ඊශ්රායල අණදෙන නිලධාරීන් සහ දේශපාලන නිලධාරීන්ගේ නිවාස ඉලක්ක කර ප්රහාර එල්ල කරන බවට ඉරානය අනතුරු අඟවා තිබෙනවා.
ඇමරිකාව සහ ඊශ්රායලය විවිධ නගරවල සිටින ඉරාන සිවිල් වැසියන්ගේ පදිංචි නිවෙස් ඉලක්ක කරමින් එල්ල කරන ප්රහරවලට පළිගැනීමේ පියවරක් ලෙස මෙම ප්රහාර දියත් කරන බවයි ඉරානය පවසන්නේ.
මේ අතර ඇමරිකානු ජනාධිපතිවරයා සිය ‘truth social’ සමාජ මාධ්යයේ සටහනක් තබමින් පවසන්නේ එක්සත් ජනපද හමුදාව ඉරානය පුරා ඉහළ වටිනාකමක් ඇති ඉලක්ක විනාශ කර ඇති බවයි.
මීට පෙර, ට්රම්ප් එයාර් ෆෝස් වන් යානයේදී වාර්තාකරුවන්ට පැවසුවේ එක්සත් ජනපදය ඉරානය සමඟ “සෘජුව සහ වක්රව” සාකච්ඡා කරමින් සිටින බවත් එම සාකච්ඡා හොඳින් සිදුවන බවයි.
ඉරානය සමඟ ගිවිසුමක් ගැන තමාට තරමක් විශ්වාසය තබන බවත්, නමුත් එය සිදුනොවීමට ඇති ඉඩකඩ ඇති බවත් ඔහු පවසනවා.
එමෙන්ම ෆිනෑන්ෂල් ටයිම්ස් සමඟ සම්මුඛ සාකච්ඡාවක දී, ඉරානයේ තෙල් අත්පත් කර ගැනීමට අවශ්ය බව පැවසූ ඔහු, එක්සත් ජනපදයට කාර්ග් දූපතේ ඉරාන අපනයන මධ්යස්ථානය අල්ලා ගත හැකි බව ද පැවසුවා.
