ඇමරිකානු ජනාධිපති ඩොනල්ඩ් ට්රම්ප් සමඟ සාකච්ඡා නොකළ යුතු බව ඉරාන පාර්ලිමේන්තුවේ නියෝජ්ය කථානායක අලි නික්සාඩ් පවසනවා.
නියෝජ්ය කථානායකවරයා පවසා ඇත්තේ ඇමරිකානු ජනාධිපතිවරයා බොරුකාරයෙකු සහ ගෞරව විරහිතයෙකු බවට ඔප්පු කර ඇති බවයි.
ඉරාන ඉස්ලාමීය ජනරජය, එහි ජනතාවගේ සහාය ඇතිව හමුදා හැකියාවන් මත ස්ථිරව සිටින අතර, ට්රම්ප් සත්යය පවසන්නේ නම්, ඔහු සාකච්ඡා කළේ කා සමඟද යන්න ප්රකාශ කළ යුතු බවයි නියෝජ්ය කථානායකවරයා වැඩිදුරටත් පවසා ඇත්තේ.
මේ අතර 2025 ජුනි සහ පෙබරවාරි මාසවල පැවති සාකච්ඡා වට දෙකකදී, ගැටුමක් වැළැක්වීම සඳහා ගිවිසුමක් සඳහා ප්රගතියක් ලබමින් සිටියදී, එක්සත් ජනපදය ඉරානයට පහර දුන් බවයි අලි නික්සාඩ් පවසනවා.
මැදපෙරදිග යුද ගැටුම් සම්බන්ධව පූර්ණ විසඳුමකට පැමිණීම සම්බන්ධව ඉරානය සමඟ ඉතා ඵලදායී සාකච්ඡා පැවැත් වූ බවත්, ඒ අනුව දින 05ක කාලයක් සඳහා ඉරානයේ කිසිදු බලාගාර හෝ බලශක්ති මර්මස්ථාන වෙත ප්රහාර එල්ල නොකිරීමට තීරණය කළ බවයි ජනාධිපති ඩොනල්ඩ් ට්රම්ප් ඊයේ (23) නිවේදනය කළේ.
ඔහු මේ බව සඳහන් කර තිබුණේ ‘ටෘත් සෝෂල්’ සමාජ මාධ්යයේ සටහනක් තබමින්.
wpDiscuz
