ඉදිරියේ දී බස් රථවල ගමන් වාර සංඛ්යාව අඩු කිරීමට සිදුවන බව ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න පවනවා.
එමෙන්ම අද (23) පෙරවරුවේ මාධ්ය හමුවක් පවත්වමින් සහාපතිවරයා සඳහන් කළේ, නිවාඩු දිනයන්වල දී බස් ධාවනය 50%කට සීමා කරන බවයි.
මේ අතර අද (23) දිනයේ දී හයිලෙවල් මාර්ගය ඇතුළු ප්රධාන මාර්ග කිහිපයක අද බස් ධාවනයෙන් ඉවත්වීමට සිදුවූ බව ඔහු සඳහන් කළා.
මෙලෙස බස් ධාවනයෙන් ඉවත් වීමට ගත් තීරණය වර්ජනයක් නොවන බවයි සභාපති ගැමුණු විජේරත්න වැඩිදුරටත් පැවසුවේ.
ඉහළ ගිය ඉන්ධන මිල හමුවේ පවතින ගාස්තු යටතේ බස් ධාවනය කිරීමට නොහැකි බැවින් මෙම තරඟයට එළඹි බව ඔහු සඳහන් කළා.
එමෙන්ම හයිලෙවල් මාර්ගය ඇතුළු ප්රධාන මාර්ග රැසක බස් ධාවනය අඩු මට්ටමක පැවතීම හේතුවෙන් මගී ජනතාව අද (23) පෙරවරුවේ දැඩි අපහසුතාවයකට පත් වුණා.
මේ අතර 10%ක බස් ගාස්තු වැඩිවීමකට එකඟ නොවන බව අන්තර් පළාත් පෞද්ගලික බස් සංගමය පවසනවා.
එම සංගමයේ සභාපති සරත් විජිත කුමාර සඳහන් කළේ 15%ක ගාස්තු වැඩිවීමක් අපේක්ෂා කරන බවයි.
එසේ නොවුන හොත් දිගටම බස් ධාවනයෙන් වැළකී සිටින බවයි එම සංගමය වැඩිදුරටත් පැවසුවේ.
