අද ඉන්ධන නිකුත් කිරීම අවසන් අංකය ඉරට්ටේ හෝ බිංදුව සඳහන් වාහනවලට පමණයි

පිරවුම්හල්වලින් ඉන්ධන නිකුත් කිරීමේ දී වාහන අංක තහඩුවේ අවසන් අංකට අනුව ඉන්ධන නිකුත් කිරීම ඊයේ (19) දිනයේ සිට ආරම්භ කළා.

ඒ, අනුව අද (20) දිනයේ ඉන්ධන නිකුත් කරනනු ලබන්නේ වාහන අංක තහඩුවේ අවසන් අංකය ඉරට්ටේ හෝ බිංදුව සඳහන් වාහනවලට පමණයි.

ඊයේ දිනයේ දී අංක තහඩුවේ අවසන් අංකය ඔත්තේ අංක සඳහන් වාහන සඳහා ඉන්ධන නිකුත් කරනු ලැබුවා.

මේ අතර ඛනිජ තෙල් නීතිගත සංස්ථාව සඳහන් කළේ QR කේත ක්‍රමය මඟින් ඉන්ධන නිකුත් කිරීම මේ වන විට සාර්ථකව සිදුකරන බවයි.

ඊයේ (19) දිනයේ පමණක් නව QR කේත ලක්ෂ 06ක් පමණ සකස් කර ගෙන ඇති බවයි වාර්තා වුණේ.