අත්යවශ්ය භාණ්ඩවල මිල ගණන්වල සුළු වැඩිවීමක් සිදුව ඇති බව අත්යවශ්ය ආහාර ද්රව්ය ආනයනකරුවන්ගේ සංගමයේ මාධ්ය ප්රකාශක නිහාල් සෙනවිරත්න පවසනවා.
අද (17) පෙරවරුවේ මාධ්ය හමුවක් කැඳවමින් මාධ්ය ප්රකාශකවරයා සඳහන් කළේ අත්යවශ්ය භාණ්ඩවල තොග මිල ගණන්වල සුළු වැඩිවීමක් සිදුව ඇති බවයි.
නැව් ගාස්තු ඉහළ යෑම හේතුවෙන් මෙලෙස අත්යවශ්ය භාණ්ඩවල තොග මිල ගණන් සුළු වශයෙන් ඉහළ ගොස් ඇති බවයි ඔහු මෙහිදී සඳහන් කළේ.
මෙහිදී වැඩිදුරටත් අදහස් දැක්වූ මාධ්ය ප්රකාශකවරයා සඳහන් කළේ භාණ්ඩ හිඟයක් ඇතිවේයැයි බියෙන් වෙළඳසැල් හිමියන් සහ තොග වෙළෙඳුන් අනවශ්ය ලෙස තොග රැස්කර ගැනීමේ අවශ්යතාවයක් නොමැති බවයි.
ඒ අනුව ඔහු වෙළඳසැල් හිමියන් සහ තොග වෙළෙඳුන්ගෙන් ඉල්ලීමක් කළේ එවැනි ආකාරයේ අනවශ්ය තොග රැස්කර ගැනීමක් සිදුනොකරන ලෙසයි.
එමෙන්ම එළඹෙන උත්සව සමය වෙනුවෙන් අතවශ්ය ආහාර ද්රව්ය ඇනවුම් සිදුකර ඇති බවත්, අවශ්ය තරමට භාණ්ඩ තොග පවතින බවයි ඔහු පැවසුවේ.
