ජාතික ඉන්ධන අවසර පත්රය සැලසීමට දායක වූ පුද්ගලයින් පිළිබඳව හිටපු බලශක්ති අමාත්ය කංචන විජේසේකර සිහිගැන්වීමක් කර තිබෙනවා.
හිටපු අමාත්යවරයා සිය එක්ස් ගිණුමේ සටහනක් තබමින් පවසන්නේ ජාතික ඉන්ධන අවසර පත්රය සංවර්ධනය කිරීම සම්බන්ධයෙන් යමෙකුට කිසියම් ගෞරවයක් පිරිනැමීමට අවශ්ය නම් මෙම පුද්ගලයින් වෙත එම ගෞරවය පුදකර සිටින ලෙසයි.
ඒ, අනුව ජයන්ත ද සිල්වා සහ ICTA හි ඔහුගේ කණ්ඩායම, සුපුන් වීරසිංහ සහ ඩයලොග් ආසියාටා හි ඔහුගේ කණ්ඩායම, ෂෙවාන් ගුණතිලක සහ මිලේනියම් IT හි ඔහුගේ කණ්ඩායමට එම ගෞරවය පුදකර සිටින ලෙසයි.
මෙම පිරිස සති 02ක කාලයක් තුළ මෙම ජාතික ඉන්ධන අවසර පත්රය නිර්මාණය කර සංවර්ධනය කළ බව කියන හිටපු අමාත්යවරයා ඒ වෙනුවෙන් රජයට කිසිදු වියදමක් දැරීමට සිදුව නොමැති වූ බවයි පවසන්නේ.
එමෙන්ම මාසයක් ඇතුළත එය ක්රියාත්මක කිරීමට හැකි වූ බව සඳහන් කරන කංචන විජේසේකර හිටපු අමාත්යවරයා, මේ වෙනුවෙන් තවත් බොහෝ පාර්ශවකරුවන්ගේ සහාය සහ කැපවීම හිමි වූ බවයි වැඩිදුරටත් සඳහන් කර ඇත්තේ.
