උග්රවන මැදපෙරදිග යුද අර්බුදය නිසාවෙන් වර්ධනය වන ජාතික ආරක්ෂාව සහ ආර්ථික අවදානම් පිළිබඳව සාකච්ඡා කිරීම සඳහා විපක්ෂ නායක සජිත් ප්රේමදාස විසින් අද (12) හදිසි රැස්වීමක් කැඳවා තිබුණා.
විදේශ ප්රතිපත්ති විශේෂඥයින්, හිටපු විදේශ ප්රතිපත්ති නිලධාරීන් සහ ශාස්ත්රාලික සාමාජිකයින් මෙම රැස්වීමට සහභාගී වී සිටියා.
දිට්වා සුළි කුණාටුවෙන් ඇති වූ විනාශයෙන් පසු ශ්රී ලංකාව නැවත ප්රකෘතිමත් වීමක් කරා ගමන් කරමින් සිටින බවත් මේ අවස්ථාවේ මැදපෙරදිග කලාපයේ වේගයෙන් උත්සන්න වන ගැටුම දැන් ඉන්දියානු සාගර කලාපයට සෘජුවම බලපාන බවත් මෙම සාකච්ඡාව අතරතුර, විපක්ෂ නායක සජිත් ප්රේමදාස සඳහන් කළා.
පසුගිය සතියේ එක්සත් ජනපද සබ්මැරීනයක් ගාල්ල වෙරළට නාවික සැතපුම් 19 ක් දුරින් ඉරාන යුද නෞකාවක් වන IRIS Dena ගිල්වා දැමීමත් සමඟ මෙම මැදපෙරදිග ගැටුම ශ්රී ලංකාවට සමීප වූ බවයි විපක්ෂ නායකවරයා පෙන්වා දුන්නා.
