කුවේට් ගුවන් තොටුපොළේ ගින්න පාලනය කරයි – සමාජ ආරක්ෂණ කාර්යාල ගොඩනැගිල්ලේත් ගින්නක්

කුවේට් ජාත්‍යන්තර ගුවන් තොටුපොළේ ගින්නක් හටගත් බව කුවේට් බලධාරීන් පවසනවා.

අද උදෑසන කුවේට් ගුවන්තොටුපළේ ඉන්ධන ටැංකිවල ඇති වූ ගින්න පාලනය කිරීමට මේ වනවිටත් කටයුතු කර ඇති බවයි ඔවුන් සඳහන් කළේ.

මේ අතර කුවේටයේ සමාජ ආරක්ෂණ කාර්යාලයේ ප්‍රධාන ගොඩනැගිල්ලේ ඇති වූ ගින්න නිවා දැමීමට ගිනි නිවීමේ කණ්ඩායම් තවමත් උත්සාහ දරමින් සිටින බවයි වාර්තා වන්නේ.

ඉරානයේ ඩ්‍රෝන යානා ප්‍රහාරයකින් අනතුරුව සමාජ ආරක්ෂණ කාර්යාලයේ ප්‍රධාන ගොඩනැගිල්ලේ මෙම ගින්න හටගෙන ඇති බවයි විදෙස් වාර්තාවල දැක්වුණේ.

මේ අතර කුවේට් අභ්‍යන්තර කටයුතු අමාත්‍යාංශය අද (08) උදෑසන දේශසීමා ආරක්ෂක නිලධාරීන් දෙදෙනෙකු මිය ගිය බව නිවේදනය කළා.