ගෝලීය වශයෙන් උද්ගත වී ඇති අර්බුධකාරී තත්ත්වය හේතුවෙන් මෙරට ආරක්ෂාවට හා සාමය පවත්වා ගෙන යාමට බාධා වන සිදුවීම් වැළැක්වීම සඳහා පොලිස්පතිතුමා විසින් සියළු පොලිස් ස්ථාන දැනුවත් කරමින් අවශ්ය උපදෙස් මාලාවක් නිකුත් කර තිබෙනවා.
ඒ අනුව, තානාපති කාර්යාල, මහ කොමසාරිස් කාර්යාල, එම නිල නිවාස හා එම ආයතනවලට සම්බන්ධ අනෙකුත් ස්ථානවල ආරක්ෂාව තහවුරු කිරීම සඳහා වැඩපිළිවෙලක් සකස් කර ක්රියාත්මක කිරීමත්, නැවත දැනුම් දෙනතුරු මෙම ආරක්ෂක වැඩපිළිවෙල ක්රියාත්මක කරන ලෙසටත් පොලිස් ස්ථාන දැනුවත් කර ඇති බව පොලිස් මාධ්ය කොට්ඨාසය පවසනවා.
මෙරට සංචාරයේ නියුතු හා රැඳී සිටින විදෙස් ජාතිකයන්ගේ / ඔවුන්ගේ දේපළ සහ රැඳී සිටින වාසස්ථානයන්හි ආරක්ෂාව ව්යාපාරික ස්ථාන, සංචාරක ස්ථාන / ගමනාන්ත හා නේවාසික ගොඩනැගිලි, ආගමික මධ්යස්ථානයන්හි රැඳී සිටින පුද්ගලයන් / දේපළ වල ආරක්ෂාවද තහවුරු කිරීම සඳහා පැය 24 ම ආවරණය වන පරිදි ආරක්ෂක වැඩපිළිවෙලක් සකස් කර ක්රියාත්මක කරන ලෙසට පොලිස්පතිතුමා විසින් උපදෙස් ලබා දී තිබෙනවා.
මෙම ආරක්ෂක සැලසුම් ක්රියාත්මක කිරීමේදී ත්රිවිධ හමුදා සහාය අවශ්ය වේ නම් ඒ සඳහා ද පියවර ගැනීම සඳහා උපදෙස් ලබා දී ඇති බවත් පොලිසිය නිකුත් කළ නිවේදනයේ සඳහන්.
