මැදින් පුර පසළොස්වක පොහොය දිනය අදයි

ශාසනික ඉතිහාසයේ වැදගත් සිදුවීම් රැසක් සිදු වූ මැදින් පුර පසළොස්වක පොහොය දිනය අදයි.

සංසාර බැඳීමෙන් තම ඥාතීන් මුදාගැනීමේ උතුම් අරමුණ පෙරදැරි කර ගෙන සුද්ධෝදන රජුගේ ආරාධනයට අනුව බුදුරජාණන් වහන්සේ කිඹුල්වත්පුරට වැඩම කළේ අද වැනි පොහෝ දිනකයි.

ශාක්‍යවංශකයින්ගේ මානය බිඳ හෙළීම, යශෝධරා දේවියට සඳකිඳුරු ජාතකය දේශනා කිරීමත් සිදු වූයේ අද වැනි මැදින් පොහෝ දිනක බවයි බෞද්ධ ඉතිහාසයේ දැක්වෙන්නේ.

රාහුල සහ නන්ද කුමාරවරුන් සසුන්ගතවීමත් සිදුවුයේ අද වැනි මැදින් පුරපසළොස්වක දිනකදී බව ශාසන ඉතිහාසයේ සඳහන්.

මවුපිය අවසරයෙන් තොරව ළමුන් සසුන්ගත නොකිරීමේ නීතිය පැනවෙන්නේ ද මැදින් පෝය මුල් කරගෙනයි.

‍කාන්තාවන් පළමු වරට බුදු සසුනේ පැවිදි වීමට අවසර ඉල්ලීම හා සුද්ධෝදන මහරජු මාර්ගඵල ලැබීමද මෙදින සිදුවූ වැදගත් සිදුවීමක්.