තලංගම පොලිස් වසමේ අකුරේගොඩ ප්රදේශයේ දී පසුගිය 13 වනදා කාර් රථයක් තුළ සිටි නීතිඥවරයෙකුට හා ඔහුගේ බිරිඳට කාර් රථයකින් පැමිණි නාඳුනන තුවක්කුකරුවන් දෙදෙනෙකු විසින් වෙඩි තබා ඝාතනය කිරීමේ සිද්ධිය සම්බන්ධයෙන් වෙඩික්කරුවන් දෙදෙනා ඇතුළු සැකකරුවන් 08 දෙනෙකු අත්අඩංගුවට ගෙන ඇති බව පොලිසිය නිවේදනය කරනවා.
පෙරේදා (24) රාත්රියේ මොණරාගල පොලිස් වසමේ නක්කල ප්රදේශයේ පාළු නිවසක රැදී සිටි මොණරාගල පොලිස් ස්ථානයේ නිලධාරීන් කණ්ඩායමක් විසින් සැකකටයුතු පුද්ගලයින් තිදෙනෙකු අත්අඩංගුවට ගෙන තිබුණා.
අත්අඩංගුවට ගත් ප්රධාන සැකකරු වයස අවු 39ක් වන කනංකේ, කඩවීදිය ප්රදේශයේ පදිංචි හිටපු නාවික හමුදා සෙබළෙකු වන අතර, මොහු 2009 වර්ෂයේ දී නිත්යාණුකූලව නාවික හමුදාවෙන් ඉවත් වී ඇති බවට අනාවරණය වී තිබෙනවා.
ඔහු අකුරේගොඩ ප්රදේශයේ දී කාර් රථයක් තුළ සිටි නීතිඥවරයෙකුට හා ඔහුගේ බිරිඳට වෙඩි තබා ඝාතනය කිරීමේ අපරාධයේ අනෙක් වෙඩික්කරු බවටයි අනවරණය කරගෙන ඇත්තේ.
අනෙක් සැකකරුවන් දෙදෙනා අවු 27 සහ අවු 46 වයස්වල පසුවන අම්බලන්ගොඩ සහ අංගොඩ යන ප්රදේශවල පදිංචිකරුවන් බවයි වාර්තා වුණේ.
බස්නාහිර පළාත් දකුණ දිසා අපරාධ කොට්ඨාසයේ නිලධාරීන් විසින් සිද්ධිය සම්බන්ධයෙන් විමර්ශන සිදුකරනු ලබනවා.
