ඉන්දීය වේග පන්දු යවන ක්රීඩක මොහොමඩ් සිරාජ් පුහුණු සැසියක් අතර තුර ආබාධයකට ලක්ව තිබෙනවා.
ඉන්දීය කණ්ඩායම මේ වන විට අහමදාබාද් හි රැඳී සිටින අතර, ඊයේ (20) පැවති පුහුණු සැසිය අතර තුර සිරාජ් මෙලෙස ආබාධයකට ලක්ව ඇති බවයි වාර්තා වන්නේ.
පුහුණුවීම් අතරතුර හර්දික් පාණ්ඩ්යා පන්දුවට පහර දෙමින් සිටි අවස්ථාව් එල්ල කළ පහරක පන්දුව මොහොමඩ් සිරාජ්ගේ වම් දණහිසේ වැදී මෙලෙස ඔහු ආබාධයකට ලක්ව ඇති බවයි තොරතුරු වාර්තා වුණේ.
එම අවස්ථාවේ ඔහු පුහුණුවීම් වලින් ඉවත්ව ගොස් ඇති බවටයි ඉන්දීය මාධ්ය වාර්තා කරන්නේ.
කෙසේ වෙතත් ඔහුගේ මේ වනවිට තත්ත්වය පිළිබඳව තවමත් නිශ්චිත තොරතුරුක් වාර්තා වන්නේ නැහැ.
ආබාධයකට ලක්වීම හේතුවෙන් වේග පන්දු යවන ක්රීඩක හර්ෂිත් රානා ලෝක කුසලාන සංචිතයෙන් ඉවත්වීමෙන් පසු මොහොමඩ් සිරාජ් ඉන්දීය කණ්ඩායමට කැඳවනු ලැබුවා.
කෙසේ වෙතත් මූලික වටයේ ඉන්දීය කණ්ඩායම සහභගී වූ තරග හතරෙන් සිරාජ් ක්රීඩා කළේ එක් තරගයකට පමණයි.
