ඌව, මධ්යම, නැගෙනහිර පළාත්වලත් පොළොන්නරුව දිස්ත්රික්කයේත් අද (19) දිනයේ දී විටින් විට වැසි ඇති වියා හැකි බව කාලගුණ විද්යා දෙපාර්තමේන්තුව පවසනවා.
ඒ අතරින් ඌව පළාතෙත් මාතලේ, මඩකලපුව, අම්පාර සහ පොළොන්නරුව දිස්ත්රික්කවලත් ඇතැම් ස්ථානවලට මිලි ලීටර් 75 ක පමණ තරමක තද වැසි ඇති විය හැකි බවයි කාලගුණ නිවේදනයේ සඳහන් වුණේ.
ඊට අමතරව උතුරු පළාතෙත් අනුරාධපුර සහ හම්බන්තොට දිස්ත්රික්කවලද වැසි වාර කිහිපයක් ඇති විය හැකි බව කාලගුණ
දෙපාර්තමේන්තුව පවසනවා.
සෙසු ප්රදේශවල පස්වරු 01.00 න් පසු තැනින් තැන වැසි හෝ ගිගුරුම් සහිත වැසි ඇති විය හැකි බවත් සඳහන්.
උතුරු, උතුරු-මැද, වයඹ පළාත්වලත් මාතලේ, ත්රිකුණාමලය සහ හම්බන්තොට දිස්ත්රික්කවලත් විටින් විට හමන පැයට කිලෝ මීටර් 30-40 දක්වා වන තරමක් තද සුළං ඇති විය හැකි බවත් පැවසෙනවා.
මධ්යම සහ සබරගමුව පළාත්වලත් ගාල්ල සහ මාතර දිස්ත්රික්කවලත් ඇතැම් ස්ථානවල අළුයම් කාලයේදී මීදුම් සහිත තත්ත්වයක් පවතින බවටද කාලගුණ විද්යා දෙපාර්තමේන්තුව පෙන්වා දෙනවා.
ගිගුරුම් සහිත වැසි සමග ඇති විය හැකි තාවකාලික තද සුළංවලින් සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙස එම දෙපාර්තමේන්තුව ජනතාවගෙන් ඉල්ලා සිටිනවා.
