පාර්ලිමේන්තු විශ්රාම වැටුප් ඉවත් කිරීමේ පනත් කෙටුම්පතට රාජ්ය පාලනය, යුක්තිය සහ සිවිල් ආරක්ෂණය පිළිබඳ ආංශික අධීක්ෂණ කාරක සභාවේ අනුමතිය
පාර්ලිමේන්තු විශ්රාම වැටුප් ඉවත් කිරීමේ පනත් කෙටුම්පතට රාජ්ය පාලනය, යුක්තිය සහ සිවිල් ආරක්ෂණය පිළිබඳ ආංශික අධීක්ෂණ කාරක සභාවේ අනුමැතිය හිමිව තිබෙනවා.
ඒ රාජ්ය පාලනය, යුක්තිය සහ සිවිල් ආරක්ෂණය පිළිබඳ ආංශික අධීක්ෂණ කාරක සභාව එහි සභාපති පාර්ලිමේන්තු මන්ත්රී නජිත් ඉන්දිකගේ සභාපතිත්වයෙන් අද (11) දින පාර්ලිමේන්තුවේදී රැස්වූ අවස්ථාවේදීයි.
මේ අතර ලබන 17 වන දින පාර්ලිමේන්තු විශ්රාම වැටුප් ඉවත් කිරීමේ පනත් කෙටුම්පත දෙවන වර කියවීම විවාදයට ගැනීමට නියමිතව තිබෙනවා.
යෝජිත පරිදි උක්ත පනත් කෙටුම්පත පාර්ලිමේන්තුවේදී සම්මත වුවහොත්, පනත් කෙටුම්පතේ 03 වගන්තිය ප්රකාරව, මෙම පනත ක්රියාත්මක වීම ආරම්භ වන දිනට පෙරාතුව විශ්රාම වැටුපක් ලැබීමට හිමිකම් ඇති සහ විශ්රාම වැටුප් ලබන යම් තැනැත්තෙක්ට මෙම පනත ක්රියාත්මකවීම ආරම්භ වන දින සහ එම දිනයට පසුව එම විශ්රාම වැටුප් ලැබීම නතරවනවා.
පාර්ලිමේන්තු මන්ත්රීවරුන් වන, චන්දන සූරියආරච්චි සහ ධර්මප්රිය විජේසිංහ යන අය සහභාගි වුණා.
එසේම පාර්ලිමේන්තු මන්ත්රීවරුන් වන, එම්. කේ. එම්. අස්ලම් සහ මේජර් ජෙනරාල් (විශ්රාමික) ජී.ඩී. සූරියබණ්ඩාර යන අයද මාර්ගගත තාක්ෂණය ඔස්සේ සම්බන්ධ වුණා.
