කයිට්ස් පොලිස් වසමේ අල්ලපිඩ්ඩි හන්දිය ආසන්නයේ දී සැක කටයුතු වෑන් රථයක් නැවැත්වීම සඳහා අද (10) අලුයම් කාලයේ පොලිසිය විසින් සංඥා කිරීමේ දී එම වෑන් රථය අණ නොතකමින් මණ්ඩතිව් දෙසට ධාවනය කර තිබෙනවා.
එම අවස්ථාවේ මණ්ඩතිව් මාර්ග බාධකය පරීක්ෂාව සඳහා ගොස් අල්ලපිඩ්ඩි දෙසට ගමන් කරමින් තිබූ කයිට්ස් ස්ථානාධිපතිවරයාගේ ජීප් රථයට මේ බව දැනුම් දී ඇති බවයි වාර්තා වන්නේ.
ඒ අනුව ජීප් රථය එම වෑන් රථය නවත්වා ගැනීම සඳහා උත්සහා කළ ද එය තවදුරටත් නොනවත්වා පළා යාම හේතුවෙන් පොලිසිය අහසට වෙඩි තබා රථය නවතා ගැනීමට උත්සහා කර ඇති බවයි පොලිසය පවසන්නේ.
එම අවස්ථාවේදීත් නොනවත්වා පලා ගිය වෑන් රථය නවතා ගැනීම සඳහා පොලිසිය වෑන් රථයට සිදුකළ වෙඩි තැබීමක් හේතුවෙන් වෑන් රථයේ රියැදුරු වෙඩි වැදී තුවාල ලබා යාපනය රෝහලට ඇතුළත් කිරීමෙන් පසු මියගොස් තිබෙනවා.
මියගිය තැනැත්තා අවුරුදු 17ක වඩුක් කෝට්ටේ ප්රදේශයේ පදිංචිකරුවෙක්.
වෑන් රථය පිටුපස ආසන ගළවා ඉවත් කර තිබී ඇති අතර, වෑන් රථයේ තවත් පුද්ගලයින් දෙදෙනෙකු සිට ඇති අතර ඔවුන් කයිට්ස් පොලිසිය අත්අඩංගුවට ගෙන තිබෙනවා.
සිද්ධිය සම්බන්ධයෙන් වැඩිදුර විමර්ශන කයිට්ස් පොලිසිය හා යාපනය කොට්ඨාස අපරාධ විර්මශන කාර්යංශය විසින් සිදුකරනු ලබනවා.
wpDiscuz
