ජපාන මහ මැතිවරණයෙන් එරට පාලක පක්ෂය විශිෂ්ට ජයග්රහණයක් ලබා ගැනීමට සමත්ව ඇති බව විදෙස් මාධ්ය වාර්තා කරනවා.
අගමැතිනි සනයි තකයිචිගේ නායකත්වයෙන් යුත් ලිබරල් ඩිමොක්රටික් පක්ෂය ප්රමුඛ සන්ධානය එරට නියෝජිත මන්ත්රී මණ්ඩලයේ ආසන 465න් ආසන 352ක් දිනාගෙන තිබෙනවා.
පසුගිය ඔක්තෝම්බර් මාසයේදී සනයි තකයිචි ජපානයේ පළමු කාන්තා අගමැතිනිය ලෙස තේරී පත්වීමෙන් ඉතිහාසයට එක්වීමෙන් පසු ජනවරමක් ලබාගැනීම සඳහා ටකයිචි හදිසි මැතිවරණයක් ඉල්ලා සිටියා.
ඒ සමඟ ඇය අග්රාමාත්ය ධුරයට පත්ව මාස තුනකක් ගතවූ පසු ඉකුත්දා එරට පාර්ලිමේන්තුව විසුරුවා හරිනු ලැබුවා.
ඒ, අනුවයි ජපාන මහ මැතිවරණය ඊයේ (08) පැවැත් වුණේ.
ජපානයේ ජනතාව ජීවන වියදම් ඉහළ යාම සහ මන්දගාමී ආර්ථික වර්ධනයට මුහුණ දෙන අතරතුර මෙම මහ මැතිවරණය පැවැත් වුණු බවයි විදෙස් වාර්තා සඳහන් කළේ.
මේ අතර පාලක ලිබරල් ප්රජාතන්ත්රවාදී පක්ෂයේ දැවැන්ත ජයග්රහණයත් සමඟ ජපන් කොටස් වෙළඳපොළ මිල ඉහළ ගොස් ඇති බවට ද තොරතුරු වාර්තා වනවා.
.
