කළුතර දකුණ පොලිස් බල ප්රදේශයේ වෙට්ටුමකඩ මංසන්දියේ අද (06) පස්වරුවේ එකිනෙක සමඟ අධික වේගයෙන් ධාවනය කළ බස් රථ දෙකක් අනතුරට පත්ව තිබෙනවා.
එම බස් රථ දෙක අනතුරට ලක්වීමෙන් පසුව එක් බස් රථයක රියදුරෙක් සම්බන්ධයෙන් ඇති වූ සැකයක් මත එම රියැදුරු කළුතර ශික්ෂණ රෝහලේ අධිකරණ වෛද්යවරයා වෙත යොමු කළ බව පොලිසිය පවසනවා.
එහිදී එම රියැදුරු ගංජා මත්ද්රව්ය භාවිතා කර ඇති බවත් ඒ සඳහා ඇබ්බැහිවූවෙක් බවට තහවුරු වී තිබෙනවා.
අනතුරුව එම රියදුරු කළුතර දකුණ පොලිසිය මගින් අත්අඩංගුවට ගෙන ඇති අතර ඔහුව හෙට (06) දින කළුතර මහේස්ත්රාත් අධිකරණයට ඉදිරිපත් කිරීමට නියමිත බවයි වාර්තා වන්නේ.
මෙසේ අත්අඩංගුවට පත් වූයේ ගාල්ල ප්රදේශයේ පදිංචි 42 හැවිරිදි පුද්ගලයෙක්.
Reiseleiter sl