රුපියල් කෝටියක් වටිනා ” කුෂ්” මත්ද්රව්ය හා සමාන මත්ද්රව්යයක් සිය ගමන් මල්ලෙහි සගවා ගෙන , කටුනායක ගුවන් තොටුපොළෙන් පිට කර ගෙන යාමට තැත් කළ ශ්රී ලාංකික ගුවන් මගියෙක් අද (05) දින අලුයම ගුවන් තොටුපොළ පොලිස් මත්ද්රව්ය කාර්යාංශයේ නිලධාරීන් පිරිසක් විසින් අත්අඩංගුවට ගෙන තිබෙනවා.
මොහු කොළඹ – 12 ප්රදේශයේ පදිංචි 34 හැවිරිදි ව්යාපාරිකයෙක් බවයි වාර්තා වන්නේ.
අද අලුයම 12.50 ට මැලේසියාවේ ක්වාලාලම්පූර් නුවර සිට ශ්රී ලංකන් ගුවන් සේවයේ යූ.එල්.- 319 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබෙනවා.
ඔහු විසින් රැගෙන ආ ගමන් මල්ලෙහි ” කුෂ්” මත්ද්රව්ය හා සමාන මත්ද්රව්ය කිලෝ ග්රෑම් 01 යි ග්රෑම් 10 ක ප්රමාණය පැකැට් තුළ අසුරා සකස් කර සගවා ගෙන තිබී ඇති බවයි දසත ගුවන්තොටුපොළ වාර්තාකරු සඳහන් කළේ.
මෙම මත්ද්රව්ය පිළිබද වැඩිදුර විමර්ශන කටයුතු සදහා , ඒවා කොළඹ අන්තරාදායක ඖෂධ පාළක මණ්ඩලය වෙත යොමු කිරීමට පියවර ගෙන ඇති අතර මෙම ගුවන් මගියා අද (05) මීගමුව මහේස්ත්රාත් අධිකරණය වෙත ඉදිරිපත් කර, රදවා තබා ගෙන ප්රශ්ණ කිරීමට නියමිතයි.
