ශ්රී ලංකාවේ බලශක්ති ක්ෂේත්රයේ සිදුවෙමින් පවතින සාධනීය වෙනස්කම් කෙරෙහි සිය රටේ අවදානය යොමුවී ඇති බවත් ගොඩනැගෙන නව ආයෝජන අවස්ථා හරහා දෙරට අතර බලශක්ති ක්ෂේත්රයේ සබදතා තවදුරටත් වර්ධනය කරගැනීමට අපේක්ෂා කරන බවත් වැඩබලන ඇමරිකානු තානාපතිනී Jayne Howell පෙරේදා (28) බලශක්ති අමාත්ය ඉංජිනේරු කුමාර ජයකොඩි හමුවූ අවස්ථාවේදී ප්රකාශ කර තිබෙනවා.
බලශක්ති අමාත්ය කාර්යාලයේදී සිදුවූ මෙම හමුවේදී මෙරට බලශක්ති හා විදුලිබල යන ක්ෂේත්ර දෙකෙහිම විවිධ වෙනස්කම් හා වර්ධනයන් පිළිබදව දීර්ඝ වශයෙන් කරුණු දැක්වූ බලශක්ති අමාත්යවරයා ඇමරිකානු ආයෝජන සහ තාක්ෂණික සහය ලබාගැනීමට අපේක්ෂා කරන ක්ෂේත්ර පිළිබදව මෙන්ම ගොඩනැගෙන නව අවස්ථා පිළිබදවද විස්තර කළා.
විදුලිබල ප්රතිව්යුහගතකරණ වැඩපිළිවෙල මෙන්ම ඛනිජ තෙල් ක්ෂේත්රයේ සිදුවෙමින් පවතින වෙනස්කම්ද රටේත් මෙම කලාපයේත් බලශක්ති ස්ථාවරත්වයට අදාළ කරුණුත් මෙහිදි සාකච්ඡාවට ලක්ව තිබෙනව.
මෙම අවස්ථාවට ඇමරිකානු තානාපති කාර්යාලයේ ආර්ථික කටයුතු පිළිබද නිළධාරී Jacob Thomases, ශ්රී ලංකා ඛනිජ තෙල් නීතිගත සංස්ථාවේ සභාපති ජනක රාජකරුණා එක්ව සිටියා.
