තියුණු ආයුධයකින් පහරදී යාචක කාන්තාවක් ඝාතනය කළ සිද්ධියටක සැකකරු පොලිස් ස්ථානයට භාරවීමෙන් පසු අත්අඩංගුවට ගෙන තිබෙනවා.
මහනුවර පොලිස් වසමේ දුටුගැමුණු මාවත ප්රදේශයේදී ඊයේ (23) දහවල් මෙම ඝාතනය සිදුව ඇති බවයි පොලිසිය සඳහන් කළේ.
ඝාතනය සිදුකළ බව කියන සැකකරු වයස අවුරුදු 30ක අයෙක් බවයි වාර්තා වුණේ.
ආරවුලක් හේතුවෙන් මෙම ඝාතනය සිදුකර ඇති බවට අනාවරණය වී ඇති අතර, අපරාධයට යොදාගත් පිහිය ද පොලිසිය විසින් සොයා ගෙන තිබෙනවා.
සිද්ධිය පිළිබඳව මහනුවර පොලිසිය වැඩිදුර විමර්ශන සිදුකරනු ලබනවා.
මේ අතර ඇඹිලිපිටිය පොලිස් වසමේ වීරසිංහපුර ප්රදේශයේදී පුද්ගලයෙකු තියුණු ආයුධ වලින් පහරදී ඝාතනය කර ඇති බව වාර්තා වනවා.
පුද්ගලික ආරවුලක් දුරදිග යාම හේතුවෙන් ඊයේ (23) පස්වරුවේ පුද්ගලයින් තිදෙනෙකු විසින් මෙම ඝාතනය සිදු කර ඇති බවයි දැනට සිදුකරන ලද විමර්ශනයේදී අනාවරණය වී ඇත්තේ.
ඝාතනය ලක්වූ පුද්ගලයා වයස අවුරුදු 39 ක් වූ වීරසිංහපුර, ඇඹිලිපිටිය ප්රදේශයේ පදිංචිකරුවෙක්.
සැකකරුවන් අත්අඩංගුවට ගැනීම සඳහා ඇඹිලිපිටිය පොලිසිය වැඩිදුර විමර්ශන සිදුකරනු ලබනවා.
