දිවයිනේ ගොඩබිම් ප්රදේශ සහ දිවයින වටා වන මුහුදු ප්රදේශ සඳහා අනිද්දා (08) දින පස්වරු 01.30 දක්වා සූදානමින් සිටින ලෙස දන්වමින් අද (07) පස්වරු 01.30 ට කාලගුණ විද්යා දෙපාර්තමේන්තුව විසින් නිවේදනයක් නිකුත් කර තිබෙනවා.
ශ්රී ලංකාවට ගිනිකොණ දෙසින් බෙංගාල බොක්ක මුහුදු ප්රදේශයේ ස්ථාපිතව පැවති අඩු පීඩන කලාපය අද (07) දහවල් 11.30 වන විට පීඩන අවපාතයක් දක්වා වර්ධනය වී පොතුවිල් සිට 700 km ක් ගිනිකොණ දෙසින්, අක්ෂාංශ 4.9°N සහ දේශාංශ 87.4°E ආසන්නයේ කේන්ද්රගතව පැවතුනු බව කාලගුණ විද්යා දෙපාර්තමේන්තුව පවසනවා.
එය බටහිරට බරව වයඹ දෙසට ගමන් කරමින් දිවයිනේ නැගෙනහිර වෙරළ දෙසට ළඟාවනු ඇති බවට අපේක්ෂා කරන බව කාලගුණ නිවේදනයේ සඳහන් වන්නේ.
මෙම පද්ධතිය ඉදිරි පැය 24 තුළ ගැඹුරු පීඩන අවපාතයක් දක්වා තවදුරටත් වර්ධනය වීමට බොහෝ දුරට හැකියාව පවතින අතර එහි බලපෑම හේතුවෙන් හෙට (08) දින සිට දිවයිනේ, විශේෂයෙන් උතුරු, උතුරු-මැද, නැගෙනහිර, ඌව සහ මධ්යම පළාත්වල වැසි තත්ත්වයේ වර්ධනයක් බලාපොරොත්තු වන බවයි එම කාලගුණ නිවේදනයෙන් පෙන්වා දෙන්නේ.
,අවධානමට පෙර සූදානම…….