කිසිදු ළමයෙකු මඟනොහැරෙන සේ අධ්යාපනය තහවුරු කිරීම අධ්යාපන අමාත්යාංශය සතු වගකීමක් බවත්, එහිදී දරුවන්ගේ සුබසාධන කටයුතු මඟනොහැරිය හැකි කොටසක් බවත්, මෙය පාසල් ළමයෙකුට දෙන සපත්තු දෙකක් පමණක් නොව සෑම ළමයෙකුටම සමාන අධ්යාපන අයිතිවාසිකම් හිමිකර දීම සඳහා වූ රාජ්ය සැලැස්මේ කොටසක් වන බවත් අග්රාමාත්යවරිය පවසනවා.
අග්රාමාත්යතුමිය මේ බව පවසා සිටියේ බස්නාහිර සහ දකුණු පළාත්වල පාසල් සිසුන්ට පාවහන් බෙදාදීම සඳහා සකස් කර ඇති නියමු ව්යාපෘතියේ ගිවිසුම් අත්සන් කිරීමේ සාකච්ඡාවකට එක්වෙමින්.
මෙහිදී වැඩිදුරටත් අදහස් දැක්වූ අග්රාමාත්ය හරිනි අමරසූරිය කියා සිටියේ මෙම ව්යාපෘතිය රජයේ සංවර්ධන සංකල්පයක් වන රාජ්ය, පෞද්ගලික අංශය සහ ජනතාව යන පාර්ශ්වයන්ගේ සහභාගිත්වය තුළින් සියලු දෙනාගේම ජයග්රහණය ඉලක්ක කරගනිමින් සකස් කර ඇති බවත්, නව වසරේ පළමු රාජකාරිය ලෙස මෙවන් සමාජ සත්කාරයක් කිරීමට හැකිවීම ආශීර්වාදයක් වන බවත් අග්රාමාත්යඅරිය සඳහන් කළා .
මෙම අවස්ථාවට එක්වූ කර්මාන්ත හා ව්යවසාය අමාත්ය සුනිල් හඳුන්නෙත්ති කියා සිටියේ, ඇති,නැති පරතරයෙහි හැඟීම තමා පෞද්ගලික ව අත්විඳ ඇති බවයි.
දේශීය නිෂ්පාදකයින්ට මුල්තැන දෙමින් උසස් තත්ත්වයෙන් යුතු පාසල් පාවහන් පාසල් වලට ගොස් සිසුන්හට බෙදාදීම මෙම ව්යාපෘතිය මඟින් සිදුකරන බවත්, එමගින් විශාල මුදලක් රජයට ඉතිරි වන බවත්, ඊළඟ වසර වන විට සියලුම පාසල් ආවරණය කරමින් සිසුන්ට මෙම වරප්රසාදය ලබාදීමට කටයුතු කරන බවත් ඔහු පෙන්වා දුන්නා.
මෙම ව්යාපෘතිය අධ්යාපන අමාත්යාංශයේ සහ කර්මාන්ත හා ව්යවසාය අමාත්යාංශයේ සාමූහිකත්වයෙන් සැලසුම් කර ඇති අතර එහිදී පැමිණ සිටි දේශීය පාසල් පාවහන් නිෂ්පාදකයින් සමඟ නිල වශයෙන් ගිවිසුම් අත්සන් කිරීමක් සිදුවුණා.
මෙම අවස්ථාව සඳහා අධ්යාපන අමාත්යාංශයේ ලේකම් නාලක කළුවැව , කර්මාන්ත හා ව්යවසාය අමාත්යාංශයේ ලේකම් තිලකා ජයසුන්දර ඇතුළු පිරිසක් සහභාගී වුණා.
