ආපදා සහන බෙදන්න යන පිරිස් වෙත පොලිසියෙන් විශේෂ දැනුම්දීමක්

ආපදාවට ලක්වූ ප්‍රදේශවලට මාර්ග පිළිසකර කරමින් පවතින අවස්ථාවල විශාල වශයෙන් සහන කණ්ඩායම් පැමිණීම එම කාර්යන්ට බාධාවක්ව ඇති බවට නිරීක්ෂණය වී ඇති බව පොලිසිය පවසනවා.

එම සහන කණ්ඩායම් සිදුකරන මෙහෙවරට ශ්‍රී ලංකා පොලිසියේ ගෞරවය සහ ස්තූතිය පුදකර සිටින බව සඳහන් කළ පොලිස් මාධ්‍ය ප්‍රකාශක, සහකාර පොලිස් අධිකාරි එෆ්. යූ. වුට්ලර් පැවසුවේ ඇතැම් දිස්ත්‍රික්කවල මාර්ග අලුත්වැඩියා කටයුතු සිදුකරන ප්‍රදේශවලට විශාල වාහන ප්‍රමාණයක් පැමිණීම එම කටයුතුවලට බාධාවක් බවයි.

ඇතැම් යතුරුපැදිකරුවන් පැමිණ ආපදාවට ලක්වූ ස්ථාන නිරීක්ෂණය කරමින් එම ස්ථාන වීඩියෝ ගත කිරීම හේතුවෙන් අදාළ ස්ථානවල රාජකාරී සිදුකරන පිරිස්වලට එට බාධාවක් වී ඇති බවයි ඔහු පැවසුවේ.

එවැනි ක්‍රියා එලෙස නිරීක්ෂණය කරමින් වීඩියෝ ගතකරන පුද්ගලයින්ට ද අන්තරාදායක තත්ත්වයක් බවයි පොලිස් මාධ්‍ය ප්‍රකාශකවරයා වැඩිදුරටත් පැවසුවේ.

ඒ, අනුව එම සහන කණ්ඩායම් අදාළ දිස්ත්‍රික්ක වල දිසාපතිවරුන්, එම ප්‍රදේශ භාර කොට්ඨාස භාර ස්ථානාධිපතිවරු සම්බන්ධ කරගනිමින් අදාළ සහන කටයුතු සිදුකරන ලෙසට දැනුම් දෙනවා.

එමෙන්ම ආපදා මෙහෙයුම් මැදිරිය හා සම්බන්ධ වී අදාළ සහන ලබාදීමට කටයුතු කරන ලෙස දැනුම්දෙන ලෙස සඳහන් කරන පොලිස් මාධ්‍ය ප්‍රකාශකවරයා ඒ පිළිබඳව තොරතුරු පහත දුරකථන අංක අමතා දැනගැනීමට හැකි බවයි පැවසුවේ.

පොලිස් විශේෂ මෙහෙයුම් මැදිරියේ දුරකථන අංක

071- 859 58 84
071- 859 58 83
071- 859 58 82
071- 859 58 81
071- 859 58 80