ඕස්ට්රේලියාවට එරෙහි තුන්වන එක්දින තරඟය අතරතුර ඇති වූ ආබාධයක් හේතුවෙන් රෝහල් ගත කළ ඉන්දීය ක්රීඩක ශ්රෙයාස් අයියර් දැඩි සත්කාර ඒකකයට ඇතුළත් කර තිබෙනවා.
අයියර්ගේ ඉළ ඇටයේ ඇති වූ ආබාධයක් නිසා සිදු වූ අභ්යන්තර රුධිර වහනයකක් හේතුවෙන් ඔහුව මෙලෙස සිඩ්නිහි රෝහලක දැඩි සත්කාර ඒකකයේ ප්රතිකාර ලබන බවයි වාර්තා වන්නේ.
සිඩ්නි හි පැවති ඉන්දියාවේ තුන්වන එක්දින තරගයේදී ඇලෙක්ස් කේරිව දවා ගැනීමට උඩ පන්දුවක් ලබාගැනීමට යෑමේ දී ශ්රෙයාස් අයියර් ආබාධයකට ලක්ව පිටියෙන් ඉවත්වීමට සිදුවුණා.
ඉන්දීය ක්රිකට් කවුන්සිලය නිවේදනයක් නිකුත් කරමින් කියා අයියර් සුවය ලබමින් සිටින බවයි.
එමෙන්ම ඉන්දීය ක්රිකට් කවුන්සිලයේ වෛද්ය කණ්ඩායම සිඩ්නි සහ ඉන්දියාවේ විශේෂඥයින් සමඟ සාකච්ඡා කර ඔහුගේ තත්ත්වය ඉතා සමීපව නිරීක්ෂණය කරන බවත් නිවේදනයේ සඳහන්.
ඔහුගේ එදිනෙදා ප්රගතිය තක්සේරු කිරීම සඳහා ඉන්දීය කණ්ඩායමේ වෛද්යවරයා ශ්රෙයාස් සමඟ සිඩ්නි හි රැඳී සිටිනු ඇති බවත් ඉන්දීය ක්රිකට් කවුන්සිලය වැඩිදුරටත් වාර්තා කරනවා.
