පාකිස්ථානය සහ ශ්‍රී ලංකාව සමඟ තුන්කොන් තරගාවලියට එක්වීමට සිම්බාබ්වේ කණ්ඩායම කැමැත්ත පළකර තිබෙනවා.
ඒ, අනුව ඇෆ්ගනිස්ථානය ඉවත්වීමෙන් පසු සිම්බාබ්වේ කණ්ඩායම මෙම විස්සයි විස්ස තුන්කොන් තරගාවලිය සඳහා එක්වන බවයි වාර්තා වන්නේ.
එළඹෙන නොවැම්බර් 17 සිට 29 දක්වා පාකිස්ථානයේ සත්කාරකත්වයෙන් ලාහෝර් සහ රාවල්පින්ඩි හිදී මෙම තරගාවලිය පැවැත්වීමටයි සැලසුම් කර ඇත්තේ.
පාකිස්ථානය, ශ්‍රී ලංකාව සහ ඇෆ්ගනිස්ථානය මෙම තරගාවලිය සඳහා ක්‍රීඩා කිරීමට සූදානම්ව සිටිය ද, පාකිස්ථානයෙන් ඇෆ්ගනිස්ථානයට එල්ල වූ දේශසීමා ප්‍රහාරයකින් දේශීය ක්‍රිකට් ක්‍රීඩකයින් තිදෙනෙකු මිය යාමෙන් අනතුරුව තරගාවලියෙන් ඉවත්වීමට ඇෆ්ගනිස්ථාන ක්‍රිකට් පාලක මණ්ඩලය කටයුතු කළා.
ඇෆ්ගනිස්ථානයේ ප්‍රකාශයෙන් පසු තත්ත්වය පිළිබඳව පාකිස්ථාන ක්‍රිකට් ආයතනය කිසිදු නිල අදහසක් ප්‍රකාශ නොකළ අතර, තුන්කොන් තරගාවලිය නියමිත පරිදි පැවැත්වෙන බවයි ඔවුන් සඳහන් කළේ.
තරගාවලිය ප්‍රතික්ෂේප කළ ඇෆ්ගනිස්ථානය වෙනුවට වෙනත් කණ්ඩායමක් එක්කරගන්නා බවයි පාකිස්ථාන ක්‍රිකට් ආයතනයේ අදහස් වී තිබුණේ.
ඒ, අනුවයි මෙම තරගාවලිය සඳහා සිම්බාබ්වේ කණ්ඩායමට ආරාධනා කර ඇත්තේ.
