පාකිස්තානය තුළ විවිධ නීති තිබුණ ද සයිබර් අපරාධ ඉහළ යමින් ඇතැයි එරට මාධ්ය වාර්තා කරනවා.
2020 සහ 2024 කාලයේ ෆෙඩරල් විමර්ශන ඒජන්සියට ලැබී ඇති සයිබර් අපරාධ පැමිණිලි ගණන 722,000 ක්.
එහෙත් විධිමත් ලෙස විමර්ශනය කරන ලද්දේ 10% කටත් වඩා අඩු සංඛ්යාවක් වන අතර, නඩු 152ක පමණක් වරදකරුවන්ට දඬුවම් ලැබී තිබෙනවා.
2024 දී පමණක්, මාර්ගගත මූල්ය වංචා පිළිබඳ පැමිණිලි 13,000 කට වඩා වැඩි සංඛ්යාවක් ලැබී ඇතැයි සඳහන්.
සැකකරුවන් 1,212 දෙනෙක් අත්අඩංගුවට ගෙන ඇතත් නඩු තීන්දු ලැබී ඇත්තේ 17ක් පමණයි.
මෙම සංඛ්යාලේඛන මගින් පෙන්නුම් කරන්නේ අකාර්යක්ෂමතාව පමණක් නොව, යුක්තිය සහ වැළැක්වීමේ පද්ධතිමය බිඳවැටීමක් බව පාකිස්තාන සයිබර් ආරක්ෂණ විශේෂඥයින් පෙන්වා දෙනවා.
ඩිජිටල් වංචාව සංවිධානාත්මක, කාර්මික පරිමාණ අපරාධයක් බවට පරිණාමය වී තිබෙනවා.
පසුගිය ජූලි මාසයේදී, ජාතික සයිබර් අපරාධ විමර්ශන ඒජන්සිය (NCCIA) ෆයිසලාබාද් ඇමතුම් මධ්යස්ථානයකින් ක්රියාත්මක වන දැවැන්ත පොන්සි යෝජනා ක්රමයක් වටළා විදේශීය ජාතිකයන් ඇතුළු සැකකරුවන් 149 දෙනෙකු අත්අඩංගුවට ගත්තා.
මේ අතර, පකිස්තානයේ සුරැකුම්පත් සහ විනිමය කොමිසම (SECP) ෆේස්බුක් සහ වට්ස්ඇප් වැනි වේදිකා හරහා ක්රියාත්මක පාරිභෝගිකයා සූරාකන අධික පොලී නීති විරෝධී ණය දීමේ යෙදුම් 141 ක් සලකුණු කළ අතර, ඒවායින් බොහොමයක් නියාමන ඉවත් කිරීම් වලින් පසුව පවා නව නම් යටතේ නැවත දිස්වන බව සදහන්.
පකිස්තාන සයිබර් ආරක්ෂක කවුන්සිලයේ 2024 වාර්තාව අනුව පකිස්තාන සමාගම්වලින් 60% කට වඩා සංකේතනය සහ බහු-සාධක සත්යාපනය වැනි මූලික සයිබර් ආරක්ෂණ ප්රොටෝකෝල ක්රියාත්මක කිරීමට අසමත්.
ලෝක බැංකුව සහ IMF යන දෙකම දැන් ඩිජිටල් වංචාව ප්රධාන ආර්ථික අවදානමක් ලෙස වර්ගීකරණය කර ඇති අතර, දුර්වල බලාත්මක කිරීම සහ මහජන අවිශ්වාසය මූල්ය ඇතුළත් කිරීම අඩාල කරන බවත්, ආයෝජන වළක්වන බවත්, දළ දේශීය නිෂ්පාදිතයේ වර්ධනය සීමා කරන බවත් අනතුරු අඟවා තිබෙනවා.
