චීන ජාවාරම්කරුවන් විසින් සූරාකන ශ්‍රී ලංකාවේ මැණික් කර්මාන්තය

ඉහළ පෙළේ මැණික් සඳහා ප්‍රසිද්ධ ශ්‍රී ලංකාවේ මැණික් කර්මාන්තය, ප්‍රධාන වශයෙන් චීන මැදිහත්වීම නිසා ඇති වූ බරපතළ සූරාකෑමකට මුහුණ දී සිටිනවා.

චීන ජාතිකයන් රුපියල් බිලියන 30ක් පමණ වටිනා මැණික් නීති විරෝධී ලෙස අපනයනය කර ඇති බවට ගණන් බලා ඇති අතර, එමඟින් කළු මැණික් වෙළඳපොළක් නිර්මාණය වනු ඇති.

මෙය නීත්‍යනුකූල ව්‍යාපාරවලට සහ රටේ ආර්ථිකයට එල්ල කරනුයේ දැඩි තර්ජනයක්.

පසුගියදා⁣ කොළඹ මහාධිකරණය, විසින් දශකයක පමණ කාලයක් ජාවාරමට සම්බන්ධ චීන ව්‍යාපාරිකයෙකුගේ රුපියල් මිලියන 201කට වඩා වැඩි මුදල් සහිත බැංකු ගිණුම් තහනම් කරනු ලැබුවා.

බලපත්‍ර රහිත මැණික් වෙළඳාම සහ මුදල් විශුද්ධිකරණය පිළිබඳ චෝදනා අදාළ චීන ජාතිකයාට එල්ල වී තිබෙනවා.

මෙම වසර මුලදී, ශ්‍රී ලංකා රේගු නිලධාරීන් විසින් කටුනායක බණ්ඩාරනායක ජාත්‍යන්තර ගුවන්තොටුපළේ දී චීන ජාතික පියෙක් සහ දියණියක රුපියල් මිලියන 17 කට වඩා වටිනා මැණික් ගල් තොගයක් රටින් පිට කිරීමට ගත් උත්සාහයක් වළක්වනු ලැබුවා.

ඒවා ශ්‍රී ලංකාවෙන් පිටතට ගෙනයාම සඳහා ඔවුන්ගේ ඇඳුම්වල සඟවා තිබුණා.

නීති විරෝධී මැණික් වෙළඳ ක්‍රියාවලිය ඉතා ක්‍රමානුකූල වන අතර, චීන ජාතිකයන් සංචාරක ව්‍යාපාරයේ මුවාවෙන් ශ්‍රී ලංකාවට ඇතුළු වී ලේඛන, බදු සහ නීතිමය මාර්ග මග හැරීම සඳහා නීත්‍යානුකූල නොවන අතරමැදියන්ගෙන් වටිනා මැණික් මිලදී ගන්නවා.

එවැනි නීති විරෝධී ක්‍රියාකාරකම් මේතුවෙන් වාර්ෂිකව එකතු කළ අගය මතු බදු රුපියල් බිලියන 38ක් පමණ අහිමි වන බව ගණන් බලා ⁣තිබෙනවා.

මැණික්, දියමන්ති සහ ස්වර්ණාභරණ අංශය පිළිබඳ අපනයන සංවර්ධන මණ්ඩලයේ (EDB) උපදේශක කමිටුව, නීති විරෝධී ගැනුම්කරුවන් ශ්‍රී ලංකාවේ මැණික් වෙළඳාමට ඇතුළු වීමේ අන්තරායන් පිළිබඳ දැනටමත් පෙන්වා දී තිබෙනවා.