උමා ඔයේ ගිලී පාසල් සිසුන් දෙදෙනකු ජීවිතක්ෂයට පත් ව තිබෙනවා.
මෙලෙස මියගොස් ඇත්තේ වයස අවුරුදු 10ක් පමණ වන සිසුන් දෙදෙනකු බවයි වාර්තා වන්නේ.
වැලිමඩ දී මෙම ඛේදවාචකය සිදු ව ඇත්තේ අද (07) පස්වරුවේ බවයි දසත අප කළ විමසීමක දී ප්රාදේශීය වාර්තාකරු පැවසුවේ.
උමා ඔයේ දිය නෑමට වයස අවුරුදු 10ක් වන එකම වයසේ යහළුවන් තිදෙනකු පැමිණ තිබෙනවා.
එහිදී ප්රථමයෙන් ම දරුවන් දෙදෙනකු දියට බැස ඇති අතර එම අවස්ථාවේ දී ඔවුන් දෙදෙනා ගිලී ඇති බවයි පැවසෙන්නේ.
සිය මිතුරන් දෙදෙනා දියෙහි ගිලුණු විගස අනිත් දරුවා නිවසට දිවගොස් එම පුවත පවසා තිබෙනවා.
නමුත් නිවැසියන් උමා ඔය අසලට පැමිණෙන විටත් එම දරුවන් දෙදෙනා අතුරුදන් ව ඇති බවයි වාර්තා වන්නේ.
පසුව ප්රදේශවාසීන් හා පොලිසිය එක් ව අතුරුදන් වූ දරුවන් සොයා විමර්ශන අරඹා ඇති අතර ඉන් එක් දරුවෙකුගේ මළසිරුර ඔවුන් දිය නෑමට බැස්ස ස්ථානයට මඳක් දුරින් ගිලී තිබියදී සොයා ගැනුණා.
අනික් දරුවාගේ සිරුර හමුව ඇත්තේ දියට බට ස්ථානයට මීටර් 100ක් පමණ දුරින් බවයි වාර්තා වන්නේ.
මරණකරුවන් මොරගොල්ල ප්රදේශයේ පදිංචිකරුවන්.
සිද්ධිය සම්බන්ධයෙන් වැලිමඩ පොලිසිය විමර්ශන ක්රියාත්මක කරනවා.
