හිටපු අමාත්ය ගාමිණි ලොකුගේ මහතා අභාවප්රාප්ත වී තිබෙනවා.
අසනීප තත්ත්වයක් හේතුවෙන් පෞද්ගලික රෝහල්ගත ව ප්රතිකාර ලබමින් සිටියදී ඒ මහතා අද (30) රාත්රියේ දී අභාවප්රාප්ත වී ඇති බවයි වාර්තා වන්නේ.
ඒ මහතා අභාවප්රාප්ත වන විට 82 හැවිරිදි වියෙහි පසුවූවා.
වර්ෂ 1943 මැයි මස 08 වැනි දින මෙලොව එළිය දුටු හිටපු අමාත්යවරයා, පිළියන්දල මධ්ය විද්යාලයෙන් හා කෝට්ටේ ආනන්ද ශාස්ත්රාලයෙන් අධ්යාපන කටයුතු අවසන් කරනවා.
ඉන් පසුව ඔහු ව්යාපාරිකයෙකු ලෙසයි සමාජගත වන්නේ.
දර්ශි ලොකුගේ යනු අභාවප්රාප්ත ගාමිණී ලොකුගේ මහතාගේ එකම දියණිය ද වනවා.
වර්ෂ 1960 දී සිය දේශපාලන ගමන් මග ගාමිණී ලොකුගේ මහතා අරඹන්නේ එක්සත් ජාතික පක්ෂය හා එකතු වෙමින්.
මෙරට ප්රබල දේශපාලන නායකයින් ලෙස සැලකෙන හිටපු ජනාධිපතිවරුන් වන රණසිංහ ප්රේමදාස, මහින්ද රාජපක්ෂ හා ගෝඨාභය රාජපක්ෂ යන නායකයින් යටතේ කැබිනට් අමාත්ය ධුර පවා දරා තිබෙනවා.
පසුගිය කාල වකවානුවේ දී ශ්රී ලංකා පොදුජන පෙරමුණ සමග අවසන් වරට දේශපාලන වශයෙන් කටයුතු කළ ඒ මහතා බලශක්ති, විදුලිබල, ප්රවාහන අමාත්ය ධුර මෙන් ම නාගරික සංවර්ධන, කම්කරු හා විදේශ රැකියා හා ඛනිජ තෙල් සම්පත් සංවර්ධන, කම්කරු හා කම්කරු සබඳතා, කම්කරු සබඳතා හා ඵලදායීතා ප්රවර්ධන, ක්රීඩා හා පොදු විනෝදාත්මක කටයුතු වැනි අමාත්ය ධුර රැසක් ද හොබවනු ලැබුවා.
සැබෑ ජනතා නායකත්වය… ගාමිණි ලොකුගේ මැතිතුමාට නිවන් සුව පතමු !!!!