ඉරානයේ න්යෂ්ටික මධ්යස්ථාන තුනකට ඇමරිකානු ප්රහාර එල්ලවීමෙන් පසු මැදපෙරදිග සිටින සෑම ඇමරිකානු පුරවැසියෙකුම හෝ හමුදා නිලධාරියෙකුම මේ වනවිට ටෙහෙරානයේ නීත්යානුකූල ඉලක්කයක් වී ඇති බව ඉරාන රාජ්ය රූපවාහිනිය අනතුරු අඟවා තිබෙනවා.
ඉරාන රාජ්ය රූපවාහිනියේ නිවේදකයෙක් සජීවී වැඩසටහනක දී පවසන්නේ ඉරානයේ පහසුකම්වලට බෝම්බ හෙළීමෙන් ඇමරිකාව ආරම්භ කළ ගැටුම ඉරානය අවසන් කරන බවයි.
“ඉරානයේ ගුවන් සීමාව උල්ලංඝනය කිරීමෙන් එක්සත් ජනපදය ඉරානයට එරෙහිව අපරාධයක් කර ඇත. එයට බටහිර ආසියානු කලාපයේ කිසිදු ස්ථානයක් නොමැත. එක්සත් ජනපද ජනාධිපතිතුමනි, ඔබ එය ආරම්භ කළ අතර අපි එය අවසන් කරන්නෙමු.” යනුවෙන් එම නිවේදකයා වැඩිදුරටත් සඳහන් කරනවා.
ඇමරිකානු හමුදා ඉරානයේ ප්රධාන න්යෂ්ටික මධ්යස්ථාන තුනට පහර දීමෙන් පසුව මෙම තර්ජන එල්ල වූ අතර, සාමයට එකඟ නොවන්නේ නම් එය වඩාත් විනාශකාරී ප්රහාරවලට මුහුණ දීමට සිදුවන බවට ජනාධිපති ට්රම්ප් ටෙහෙරානයට අනතුරු අඟවනු ලැබුවා.
ඉරානයේ ෆෝර්ඩෝව්, නටාන්ස් සහ ඉස්ෆහාන්වල පිහිටි න්යෂ්ටික මධ්යස්ථානවලට ඊය රාත්රියේ මෙම ප්රහාර එල්ල වූ අතර අති නවීන B2 ප්රහාරක යානා 06ක් මෙම ප්රහාරයට එක්ව තිබුණා.
