ලෝක ටෙස්ට් ශූරතා තරගාවලියේ අවසන් මහා තරගයට ක්රීඩා කිරීම සඳහා මේ වනවිට (14) ඉන්දීය ප්රීමියර් ලීග් තරගාවලියට එක් ව සිටින දකුණු අප්රිකානු ක්රීඩකයින් මැයි මස 25 වැනි දින වනවිට ඉන්දියාවෙන් පිටත් ව යාමට නියමිත බවට වාර්තා වනවා.
පාකිස්තාන – ඉන්දු යුදමය වාතාවරණය හමුවේ IPL තරගාවලිය තාවකාලිකව අතරමග නතර කර දැමූ අතර යළිත් එම තරග මැයි 18 වැනි දින ආරම්භ වීමට නියමිතයි.
කෙසේවෙතත් IPL තරගාවලියේ ප්ලේ -ඕෆ් තරග වටය ආරම්භ වීමට පෙර දකුණු අප්රිකානු ක්රීඩකයින් 08 දෙනා එංගලන්තයේ ලෝඩ්ස් බලා පිටත් ව යනු ඇති.
ලෝක ටෙස්ට් ශූරතා තරගාවලියේ අවසන් මහා තරගය ජුනි මස 11 වැනි දින ආරම්භ වීමට නියමිතයි.
මේ වනවිට IPL තරගාවලියට එක්ව සිටින දකුණු අප්රිකානු ක්රීඩකයින් වන
කගිසෝ රබාඩා (GT), ලුන්ගි න්ගිඩි (RCB), ට්රිස්ටන් ස්ටබ්ස් (DC), ඒඩන් මාක්රම් (LSG), රයන් රිකෙල්ටන්, කෝබින් බොෂ් (MI), මාර්කෝ ජැන්සන් (PBKS) සහ වියාන් මුල්ඩර් (SRH) මැයි 30 වන දින කණ්ඩායමේ සෙසු සාමාජිකයන් සමඟ එක්සත් රාජධානිය බලා පිටත්ව යාමට පෙර දකුණු අප්රිකාවට ආපසු පැමිණෙනු ඇති බවත් වාර්තා වනවා.
