මාතර නගරයේ ඊයේ (12) දින සිදුකළ යතුරුපැදි පරීක්ෂාවක දී ව්‍යාජ අංක තහඩු, සයිලන්සර් වෙනස් කළ සහ මාර්ග නීති උල්ලංඝනය කරමින් ධාවන කළ යතුරුපැදි 36ක් අත්අඩංගුවට ගෙන තිබෙනවා.
විවිධ නාද රටා සහිත අමතර උපාංග සවිකළ, පැති කණ්ණාඩි ඉවත් කිරීම ඇතුළු රථවාහන නීතී උල්ලංඝනය කළ යතුරුපැදි ද මෙලෙස අතද්නගුවට ගැනුණු යතුරුපැදි අතර වනවා.
එමෙන්ම මෙම යතුරුපැදි ධාවනය කළ යතුරුපදිකරුවන් බහුතරයක් පුහුණුවීමේ රියදුරු බලපත්‍ර සහිතව ඒවා ධාවනය කර ඇති බවයි අනාවරණය වී ඇත්තේ.
වයස අවුරුදු 18 සහ 20 යන වයස්වල පසුවන තරුණයින් මෙම යතුරුපැදි ධාවනය කර ඇති අතර, ඔවුන් ගාල්ල, වැලිගම, අකුරැස්ස, මාතර යන ප්‍රදේශවල පදිංචිකරුවන් බවයි වාර්තා වන්නේ.
අත්අඩංගුවට ගත් යතුරුපැදි මෝටර් රථ කොමසාරිස්වරයාගේ පරීක්ෂාවට ලක් කිරීමෙන් අනතුරුව අධිකරණයවෙත ඉදිරිපත් කිරීමට නියමිත බව පොලිසිය සඳහන් කළා.
ඔය කාලකන්නි හැත්තව අවු 2 කට වත් හිරේට යවන්න ඕනෙ.
මේක මහා පිලිලයක් වෙලා දැන සමාජයට..පාරෙ මනුස්සයෙක්ට යන්න බෑ..වෙන වාහනයකට යන්න බෑ..ගෙදර නිදා ගන්න නෑ..මොකක්ද මේ රට ?