ඇමරිකාව විසින් කොළොම්බියාවට එරෙහිව නව තීරුබදු සහ සම්බාධක පැනවීමට කටයුතු කර තිබෙනවා.
ඇමරිකාව විසින් පිටුවහල් කරන ලද සංක්රමණිකයින් පිරිසක් රැගත් ගුවන් යානා දෙකක් පිළිගැනීම කොළොම්බියාව විසින් ප්රතික්ෂේප කිරීමට කටයුතු කිරීමත් සමඟ ඇමරිකාව මෙම සම්බාධක පනවා තිබෙනවා.
හිටපු වාමාංශික ගරිල්ලා භටයෙකුවන කොළොම්බියානු ජනාධිපති ගුස්ටාවෝ පෙට්රෝ විසින් සංක්රමණිකයින් රැගත් ගුවන් යානා ප්රතික්ෂේප කිරීම ඇමරිකානු ජාතික ආරක්ෂාව අනතුරේ දැමු බවයි ඩොනලඩ් ට්රම්ප් ජනධිපතිවරයා පවසන්නේ.
කොළොම්බියාවට එරෙහිව තීරුබදු සහ සම්බාධකපැනවීමට ගත් තීරණය අනුව කොළොම්බියාවෙන් ආනයන කරන භාණ්ඩ සඳහා ද 25%ක තිරු බදු පනවන බවයි.
එම තීරු බද්ද සතියක් ඇතුළත 50%ක් දක්වා ඉහළ දමන බව ද ට්රම්ප් පවසා තිබෙනවා.
ඊට අමතරව කොළොම්බියා රාජ්ය නිලධාරීන්ට සංචාරක තහනම් වීසා අවලංගු කිරීම සහ ගුවන්තොටුපලවලදී කොළොම්බියානුවන් වැඩි පරීක්ෂාවකට ලක් කරන ලෙසටත් ට්රම්ප් නියෝග කර ඇති බවයි වාර්තා වන්නේ.
මේ අතර ට්රම්ප්ගේ මෙම සම්බාධක සහ තීරුබදු පැනවීමට ප්රතිචාරයක් ලෙස ඇමරිකානු භාණ්ඩවලට අය කෙරෙන තීරු බදු ද 25% කින් වැඩි කිරීමට කොළොම්බියා ජනාධිපතිවරයා විදේශ සහ වෙළඳ අමාත්යවරයාට උපදෙස් දී ඇති බව සඳහන්.
කොළොම්බියාව, එක්සත් ජනපදය සමඟ නිදහස් වෙළඳ ගිවිසුමක් භුක්ති විඳින තත්ත්වයක මෙලෙස සම්බාධක සහ තීරුබදු පැනවීමක කටයුතු කිරීම විශේෂත්වයක්.
