දසවැනි පාර්ලිමේන්තුවේ රජයේ ගිණුම් පිළිබඳ කාරක සභාව (කෝපා) සභාපතිවරයා ලෙස ජාතික ජන බලවේගයේ පාර්ලිමේන්තු මන්ත්රී අරවින්ද සෙනරත් තේරී පත්ව තිබෙනවා.
සභාපති ධුරය සඳහා ගරු පාර්ලිමේන්තු මන්ත්රී අරවින්ද සෙනරත්ගේ නම ජාතික ජනබලවේගයේ පාර්ලිමේන්තු මන්ත්රීවරුන්වන චන්දන සූරියආරච්චි සහ සුසන්ත කුමාර නවරත්න යන අය විසින් පිළිවෙලින් යෝජනාකර ස්ථිර කරනු ලැබුවා.
කාරක සභාව අමතමින් අභිනව සභාපතිවරයා ප්රකාශ කර සිටියේ රට දැවැන්ත මූල්ය අර්බුදයෙන් නිවැරදි දිශානතිය වෙත රැගෙන යාමේ අභියෝගය ජයගැනීම සඳහා සියලු දෙනාගේම කැපවීම අපේක්ෂා කරන බවයි.
එමෙන්ම කාරක සභාවේ ඉදිරි කටයුතු ඉතා අපක්ෂපාතීව සහ ස්වාධීනව ඉටුකිරීමට අපේක්ෂා කරන බවත්, නොබියව නිවැරදි තීන්දු තීරණ ගෙන ජනතා අපේක්ෂාවන් ඉටුකිරීමට කිසිසේත්ම පසුබට නොවන බවත් සභාපතිවරයා අවධාරණය කළා.
