මෑතක දී මුහුදු පත්ලේ අඳුරුතම ස්ථානවල ඇති ලෝහ ගැටිති මගින් ඔක්සිජන් නිපදවන බව විද්යාඥයින් පිරිසක් සොයාගෙන තිබෙනවා.
මෙම නව සොයාගැනීමෙන් අනතුරුව බීබීසී මාධ්ය වාර්තා කළේ මෙම සංසිද්ධිය තේරුම් ගැනීම සඳහා විද්යාඥයින් විසින් පෘථිවියේ සාගරවල ගැඹුරුත්ම කොටස් අධ්යයනය කිරීමට සැලසුම් ප්රකාශයට පත් කර ඇති බවයි.
මෙම මෙහෙයුම මගින් වෙනත් ග්රහලෝකවල ජීවය පැවතීමේ හැකියාව දෙස මිනිසා බලන ආකාරය ද වෙනස් කළ හැකි බව ද පර්යේෂකයෝ පවසනවා.
නවතම සොයා ගැනීම ජාත්යන්තර සමුද්ර විද්යාඥයින් කණ්ඩායමක් විසින් සිදු කරනු ලැබුවා.
නමුත් විදෙස් මාධ්ය වාර්තා කරන්නෙ ගැඹුරු සාගර පත්ල තුළ ඇති ලෝහ ගැටිතිවල ඔක්සිජන් නිර්මාණය කිරීමේ ශක්තිය විද්යාඥයින් පවා මවිත කර ඇති බවයි.
එනම් විද්යාවේ පිළිගැනීම වන්නේ ඔක්සිජන් නිපදවිය හැකි වන්නේ ශාක මගින් හිරු එළියෙන් පමණක් බවත් එය ප්රභාසංස්ලේෂණය යනුවෙන් හැඳින්වෙන බවයි.
ජීවයේ වැදගත් අංගයක් වන ඔක්සිජන් අඳුරේ ලෝහ ගැටිති මගින් සෑදී ඇත්නම්, පර්යේෂකයන් විශ්වාස කරන්නේ මෙම ක්රියාවලිය වෙනත් ග්රහලෝකවල සිදුවෙමින් පවතින බවත්, ජීවය සමෘද්ධිමත් විය හැකි ඔක්සිජන් බහුල පරිසරයන් නිර්මාණය කරන බවත් ය.
මෙම විශේෂ පර්යේෂණය සිදු කරන්නේ නාසා ආයතනයේ විශේෂඥයින් පිරිසක් වන අතර ඔවුන් විශ්වාස කරන්නේ සෘජු හිරු එළිය නොමැති ව වෙනත් ග්රහලෝකවල ජීවය පවත්වා ගත හැකි ආකාරය පිළිබඳ අඳුරු ඔක්සිජන් මගින් නැවත සකස් කළ හැකි බවයි.
මෙම සිදුවීම් දාමය පිළිබඳ ව අදහස් දක්වන නාසා හි ප්රධාන පර්යේෂක මහාචාර්යය ඇන්ඩෲ ස්වීට්මන්ට අනුව එහි සත්ය වශයෙන්ම සිදු වන්නේ කුමක්දැයි සොයාගැනීම අරමුණ වනවා.
