යාපනය දිස්ත්රික් ස්වාධීන කණ්ඩායමේ පාර්ලිමේන්තු මන්ත්රී රාමනාදන් අර්චුනා මහතාගේ පාර්ලිමේන්තු මන්ත්රී ධුරය බල රහිත කිරීමේ රිට් ආඥාවක් නිකුත් කරන ලෙස ඉල්ලා ගොනු කළ පෙත්සමක් සලකා බැලීම සඳහා ජනවාරි මස 31 වන දා කැඳවන ලෙස අභියාචනාධිකරණය අද (15) දින නියම කළා.
අභිනව නිවහල් පෙරමුණේ සභාපති ඕෂල හේරත් මහතා විසින් මෙම පෙත්සම ඉදිරිපත් කරනු ලැබුවා.
පෙත්සම කැඳ වූ අවස්ථාවේ විනිසුරුවරයා පෙත්සමේ කරුණු තහවුරු කිරීම සඳහා ජනවාරි 31 වනදා කැඳවීමට දින නියම කළා.
පෙත්සම්කරු සිය පෙත්සම මගින් කියා සිටින්නේ, පාර්ලිමේන්තු මන්ත්රී රාමනාදන් අර්චුනා මහතා ඉකුත් මහ මැතිවරණයේදී නාමයෝජනා භාර දී තිබෙන්නේ රජයේ වෛද්යවරයෙකු වශයෙන් කටයුතු කරමින් බවයි.
රජයේ සේවයෙන් ඉවත් නොවී නාමයෝජනා භාරදීම නීතිවිරෝධී බව පෙන්වා දෙන පෙත්සම්කරු එය මැතිවරණ පනතේ විධි විධානයන්ට පටහැනි බවත් සඳහන් කරනවා.
එබැවින් ආණ්ඩුක්රම ව්යවස්ථාව අනුව වගඋත්තරකාර මන්ත්රීවරයාට පාර්ලිමේන්තුවේ මන්ත්රී ධුරයක් දැරීමට සුදුසුකම් නොමැති බවට තීන්දු කර එම මන්ත්රී ධුරය බල රහිත කිරීමේ ආඥාවක් නිකුත් ලෙස පෙත්සම්කරු සිය පෙත්සම මගින් ඉල්ලා සිටිනවා.
මෙම පෙත්සම වගඋත්තරකරුවන් ලෙස පාර්ලිමේන්තු මන්ත්රී වෛද්ය රාමනාදන් අර්චුනා, පාර්ලිමේන්තු මහලේකම්වරයා ඇතුළු පිරිසක් නම් කර තිබෙනවා.
පෙත්සම්කරු වෙනුවෙන් නීතිඥ අශෝක බලන් මහතා පෙනී සිටියා.
wpDiscuz
