දක්ෂිණ අධිවේගී මාර්ගයේ අඟුණුකොළපැලැස්ස, හැලේකඩ ප්රදේශයේ දී වාහන 03ක් මී ගවයින් රංචුවක ගැටීමෙන් අනතුරක් සිදුව තිබෙනවා.
අද (12) අලුයම 4.30ට පමණ මෙම අනතුර සිදුව ඇති අතර, මෝටර් රථයක්, බස් රථයක් සහ ලොරි රථයක් මෙලෙස මී ගවයින්ගේ ගැටී අනතුරට ලක්ව ඇති බවයි වාර්තා වුණේ.
අඟුණුකොළපැලැස්ස සහ බරවකුඹුක අතර දක්ෂිණ අධිවේගී මාර්ගයේ කිලෝමීටර 177 කණුව ආසන්නයේ දී අනතුර සිදුව තිබෙනවා.
අඟුණුකොළපැලැස්ස සිට මත්තල දෙසට ධාවනය වූ වාහන තුනක් මෙලෙස මාර්ගය තුළ රැඳී සිටි මී ගවයින්ගේ ගැටී අනතුරට ලක්ව ඇති අතර, අනතුරින් මී ගවයින් දෙදෙනෙක් මියගොස් තවත් මී ගවයෙක් තුවාල ලබා ඇති බවයි වාර්තා වුණේ.
මෙම අනතුරින් මෝටර් රථයට දැඩි අලාභ සිදුව ඇති අතර, මී ගවයින්ගේ ගැටී අනතුරට ලක්වූ බස් රථය විනෝද චාරිකාවක් යමින් සිටි පිරිසක් ගමන් ගත් රථයක්.
අනතුරින් රථවාහනවල ගමන් කළ කිසිවෙකුටවත් හානියක් සිදුව නැහැ.
