ශ්‍රී ලංකා යුද හමුදා නිලධාරීන්ගේ සහ බඳවා ගන්නා නවක හමුදා සොල්දාදුවන්ගේ පුහුණු වීම් අඛණ්ඩ ව සිදු කරගෙන යන බව නව යුද හමුදාපති ලුතිනන් ජෙනරාල් ලසන්ත රොද්‍රිගො මහතා පවසනවා.
මෙරට 25 වැනි යුද හමුදාධිපතිවරයා වශයෙන් දෙසැම්බර් 31 වැනි දින සිට වැඩ භාර ගැනීමෙන් අනතුරුව මහනුවර ශ්‍රී දළඳා මාලිගාව වැඳ පුදා ගනිමින්; අනතුරුව මල්වතු – අස්ගිරි මහ නා හිමිවරුන් බැහැ දැක ආශිර්වාද ලබා ගැනීමට අද (04) මහනුවරට පැමිණි අවස්ථාවේ දියි ලසන්ත රොද්‍රිගො මහතා මේ බව පැවසුවේ.
රටක හමුදාවක් පුහුණු කළ යුත්තේ යුද්ධයක දි පමණක් ම නොව හදිසි ආපදා තත්ත්වයක දී ඇතුළු පුළුල් ආරක්ෂණ වැඩසටහන්වලට මුහුණ දීම සඳහා බව ද යුද හමුදාපතිවරයා සඳහන් කළා.
එමෙන්ම වත්මන් රජය ගෙන යන නව වැඩපිළිවෙළ වන ‘ ක්ලීන් ශ්‍රී ලංකා’ සඳහා හැකි සෑම ආකාරයකින් ම ශ්‍රී ලංකා යුද හමුදාවේ සහාය හිමිවන බව ද යුද හමුදාධිපතිවරයා වැඩිදුරටත් ප්‍රකාශ කළා.
wpDiscuz
