ශ්‍රී ලංකා ක්‍රිකට් ව්‍යවස්ථා සංශෝධනයක් සිදුකර තිබෙනවා.
ඒ, අනුව ශ්‍රී ලංකා ක්‍රිකට් ආයතනයේ ඡන්දය හිමි සාමාජිකයන්ගේ සංඛ්‍යාව 147 සිට 60 දක්වා අඩුකිරීම සඳහා අනුමැතිය ලබාදී ඇති බවයි වාර්තා වන්නේ.
අද (20) පැවැත් වූ එම ආයතනයේ විශේෂ මහ සභා රැස්වීමේ දී මෙම අනුමැතිය හිමිව තිබෙනවා.
මේ අතර ක්‍රිකට් ආයතනයේ මූල්‍ය කළමනාකරණයේ විනිවිදභාවය ශක්තිමත් කිරීම සඳහා විගණන කමිටුව, ආයෝජන සහ අයවැය කමිටු පිහිටුවීම මෙම මහා සභා රැස්වීමේ දී ඒකමතිකව අනුමත කර ඇති බවයි වාර්තා වන්නේ.
එමෙන්ම 2025 වසර සඳහා ශ්‍රී ලංකා ක්‍රිකට් නිලවරණ කමිටුව ප්‍රධානියා ලෙස විශ්‍රාමලත් අභියාචනාධිකරණ විනිසුරු මාලනී ගුණරත්න පත්කර ඇති අතර, එම කමිටුවට තවත් සාමාජිකයින් සිව්දෙනෙකු ඇතුළත්ව සිටිනවා.
ඒ, අනුව ක්‍රිකට් ආයතනයේ 2025 නිලවරණය එම නිලවරණ කමිටුව මඟින් මෙහෙයවන බවයි ශ්‍රී ලංකා ක්‍රිකට් ආයතනය දැනුම් දෙන්නේ.
