උත්සව සමයේ බිත්තරයක් රුපියල් 30-35 අතර මිලකට

එළඹෙන උත්සව සමය සඳහා බිත්තරයක් රුපියල් 30 සහ 35 අතර මිලකට මිල දී ගත හැකි බව සමස්ත ලංකා බිත්තර නිෂ්පාදකයින්ගේ සංගමය පවසනවා.

එම සංගමයේ සභාපති ඇන්ටන් අප්පුහාමි සියලු සිල්ලර වෙළෙන්දන්ගෙන් ඉල්ලා සිටියේ අද (16) දිනයේ සිට බිත්තරයක් රුපියල් 35ට අඩුවෙන් පාරිභෝගිකයින්ට ලබාදෙන ලෙසයි.

පසුගිය 2023 වසරේ උත්සව සමයේ දී බිත්තරයක් රුපියල් 65-70 අතර මිලකට අලෙවි වූ බවත්, කෙසේ වෙතත් මේ වන විට බිත්තර නිෂ්පාදනය ඉහළ යාම හේතුවන් මිල ස්ථාවර වී ඇති බවත් ඔහු වැඩිදුරටත් සඳහන් කළා.

එමෙන්ම සියලුම බිත්තර ගොවීන් සතුව තොග අතිරික්තයක් ඇති බව ද සභාපතිවරයා පවසනවා.

ඒ, අනුව ග්‍රෑම් 50 බිත්තරයක් රුපියල් 30-32 අතර මිලකට මිලදී ගත හැකි බවත්, ග්‍රෑම් 55ට වඩා බර බිත්තරයක් රුපියල් 33-35ත් අතර මිලකට මිල දී ගත හැකි බවයි ඔහු පැවසුවේ.